بسم الله الرحمن الرحيم
السلام عليكم حبايبي اليوم التدوينة إن شاء الله عن آخر أخبار عالم المكياج إيش حينزل الفترة الجيا من شركات الميك أب ف يلا حضّرولكم كوب من مشروبكم المفضّل وخلونا نبدأ ...
KOREAN DRAMA I RECOMMENDED YOU TO WATCH | مسلسلات كورية على نيتفليكس أنصحكم تتابعوها
الاثنين، 5 يونيو 2023
بسم الله الرحمن الرحيم
السلام عليكم حبايبي جيتكم بتدوينة ناااااار وشرار 🔥 اليوم التدوينة عن أحلى المسلسلات الكورية الي أتفرجتها مؤخرا على نيتفليكس🤩 بس قبل ما ابدأ أبغا اقلكم اني انا عمري ما أتفرجت كوري ولا كنت من محبين المسلسلات الكورية 🙃 وكنت أتفرج تركي ومسلسلات امريكية فقط 💕 ولكن لمن أعطيت المسلسلات الكورية فرصة سرت من عشاق المسلسلات والأفلام الكورية وسار عندي هوس 😆 أخلص من مسلسل أبدأ في الثاني لدرجة اني سرت ابغا أتعلم اللغة الكورية و حلمي في يوم أروح كوووووورياااااا الجنوبية 💘من جد ان شاء الله في يوم يتحقق حلمي أحس الشعب الكوري شعب لطيف جدّا 💕 عموما الشعب الآسيوي بشكل عام احسهم طيبين ... بدون ما أطول كلام خلونا نبدأ.
HOME TOWN CHA CHA CHA
WHAT I BOUGHT FROM BOUTIQAAT | مشترياتي من بوتيكات
الأحد، 4 يونيو 2023
بسم الله الرحمن الرحيم
السلام عليكم حبايبي كيف حالكم وحشتوني واليوم التدوينة غييييير😃 .. من زمان ما وريتكم إيش أشتريت لإني غالبا أنسى أصور لكن هذه المرة ما نسيتكم اليوم إن شاء الله حأوريكم إيش أشتريت من بوتيكات 💘 طبعا كل الطلبية أشتريتها بفلوسي مو إعلان يلا نبدأ ..
MESSY HALO MAKEUP LOOK | لوك سموكي عشوائي وجذاب
الأحد، 6 نوفمبر 2022
بسم الله الرحمن الرحيم
السلام عليكم حبايبي اليوم التدوينة حتكون فيديو 😱!!!!!! زي ما إنتوا عارفين أنا عندي قناة على اليوتيوب 😱 وهذا واحد من الفيديوهات الي نزلت مؤخرا ☺️💕 عملتلكم لوك ميسي وسموكي غامق وفي نفس الوقت جذاب ما أبغا اللوك يكون بيرفيكت ونظيف ١٠٠٪ اللوك دا ينفع لسهرات ليلية أكثر وجدا سهل 🥰 أتمنى يعجبكم اللوك ولاتنسوا تعملولي سبسكرايب علشان نكون أحلى كوميونيتي يوتيوبية 💪🏼 يلا كلّكم شوفوه وأعطوني رايكم فيه في الكومنتات وأنا حأرد على الكل من جد مرة حأنبسط بيكم 🥹💕 هناك أتمنالكم يوم سعيد مليء بالسعااااااادة .
HOW I PICK MY SELF UP ON A DOWN DAY? | كيف أخرُج من مشاعر الحزن والإحباط
بسم الله الرحمن الرحيم
كيفكم حبايبي وحشتوني 💕 قد البحر أنا جدا مبسوطة إني رجعتلكم بهادي التدوينة بالتحديد لإني حرفيا الفترة الي فاتت ولازلت بأمر بمرحلة إحباط وحزن تخص طموحي وأهدافي الي نفسي أوصلها لكن مني عارفة من فين أبدأ ؟ هادا طبعا موضوع ثاني حكلمكم فيه فتدوينة منفصلة.. مصاحب لهادا كلو يبدأ الإحباط والحزن 😩 وأحيانا أحس إنو مهما سويت ما بأوصل للي أبغاه وأبدأ أزعل وبدل ما أشجع نفسي أحبط نفسي أكثر وهذا أكبر غلط🙅🏻♀️.
طبعا كل ما أحس إني بدأت أدخل في هادي المرحلة ! على طول 🏃🏻♀️ فيه كم شيء أسويه يخرّجني من مود الكآبة والحزن وأكيد كل واحد مننا بيمر بسيناريو مختلف عني وحزنه مختلف عني كل واحد مننا له قصته ولكن أنا بأقلكم المرحلة الي بأمر بيها حاليا وكيف حأخرّج نفسي منها😃 .. إن شاء الله هادي الخطوات البسيطة تغير مودكم ولو ١٪ وأكيد صدقوني مافي مشكله الا ولها حل والشيء الي مانقدر نحله نوكله على الله وربي ما حيخيّب ظننا به ان شاء الله يلا نبدأ 💪🏼 ...
A NEW BEGINNING WITH U | بداية جديدة معاكم
الأربعاء، 12 أكتوبر 2022
بسم الله الرحمن الرحيم
كيفكم وحشتوني جدا 💓 من زمان ماجيت هنا في المدوّنة وأتكلمت معاكم 😃من جد أحس هنا كأني قريبة منكم أكثر ولمن الحمدلله سار عندي قرّاء وسرتوا تشاركوني أفكاركم سرت جدا ممتنة وجودكم في حياتي اليوم بدأت في مشروع صغير بيني ويبين نفسي أبغا أشارك كم موضوعه ف يلا نبدأ💁🏻♀️ ..
MASINISA PRODUCTS REVIEW | مراجعتي لمنتجات العناية بالبشرة من ماسينيسا
السبت، 11 يوليو 2020
بسم الله الرحمن الرحيم
السلام عليكم كيفكم حبايبي ؟؟ اليوم التدوينة ناااار وشرااار كنت ناوية أنزّلها لكم من زمان وأنا عارفة إنكم مستنيين التدوينة لإنو بتجيني أسئلة كثير عن منتجات ماسينيسا💗 أتأخرت في تنزيل التدوينة علشان كنت أبغا أجرّب المنتجات فترة طويلة وأقدر أقلكم رايي بكل صراحة سرلي تقريبا سنتين أستخدمهم فاليوم إن شاء الله حأكتبلكم فيه تدوينة مختصرة عن أحلى المنتجات الي جربتها من ماركة ماسينيسا واللي أنصحكم بتجربتها😊💕
ماركة ماسينيسا هي ماركة عناية بالبشرة مغربية كل منتجاتهم طبيعية ١٠٠٪
قبل ما أبدأ حابة أشكر أصحاب براند ماسينيسا حسناء وفاطمة وبالأخص فاطمة الزهراء من جد إنسانة قلبها طيب💖وتحب تتفاعل مع متابعينها جدًا متواضعة وماتبخل في الإنستقرام إنو تعطينا المعلومات الي تفيدنا كمتابعين من ناحية الخلطات الي تخص البشرة وغيره😊 ، فاطمة من الناس الي كل بين فترة تسأل عني في السوشيال ميديا في أصعب الأوقات الي مريت فيها كانت تقلّي كيف حالك وإيش عاملة ؟؟ أكيد كان يمديها إنو ما تسأل عني و ما عليها أي عتب ومهي ملزومة بس سؤالها من جد خلاني أسير مبسسسوطة💕 أنا من جد عمري ما حأنسى
قلبك الطيب يا فطومة وتواضعك ووقفتك معايا شكرًا لكي
بدون ما أطول عليكم خلونا نبدأ التدوينة ...
WHATS NEW IN THE MAKEUP WORLD? | ما الجديد في عالم المكياج
الثلاثاء، 7 يوليو 2020
بسم الله الرحمن الرحيم
السلام عليكم حبايبي😀 تدوينة اليوم كان المفروض تنزل أمس فإن شاء الله حأعّوضكم على تدوينة أمس كيفكم أول شي وإيش عاملين ؟؟ كيف الدنيا معاكم أهم حاجة إن شاء الله تكونوا جميعا بخير👋🏼🧡 ... اليوم التدوينة حتكون عن آخر كوليكشينات الميك أب الي نزلت طبعا نحنا عارفين إنو الشركات مع الوباء الي جانا ماسارت تنزّل منتجات كثير زي زمان ولكن مع ذلك فيه كم شركة نزّلوا كوليكشنات جديدة أنا اليوم جبتلكم بعضها وحأقلكم رأيي في كل كوليكشن فيلا نبدأ 👌🏽..
للمعلومية كل هادي الصور من حساب TRENDMOOD على الإنستقرام
MY CURRENT TURKISH SERIES | مسلسلاتي التركية في الفترة الحالية
السبت، 4 يوليو 2020
بسم الله الرحمن الرحيم
السلام عليكم ياحلوين كيفكم 💗 ؟؟ أنا مررررة متحمّسة على تدوينة اليوم ، بم إنّكم حبيتوا تدوينة أفضل المسلسلات التركية
من وجهة نظري حبيت أشارككم مسلسلاتي التركية الي أتفرجتها الفترة الي فاتت😃 البعض مستمرة فيهم والبعض خلّصتهم فيلا خلونا نبدأ وخلوني أقلكم رأيي في كل مسلسل من وجهة نظري ..
COFFEE TALK WITH SHAHAD | طرق أسعد فيها نفسي في زمن كورونا ؟
الجمعة، 3 يوليو 2020
بسم الله الرحمن الرحيم
السلام عليكم يا أحلى ناس كيفكم😀 ؟؟ وحشتوني سنة ٢٠٢٠ يمكن أكثر سنة صعبة مرت عليا في حياتي كلّها😭 .. من بداية السنة تقريبا في أواخر فبراير جانا وباء عالمي أكتسح العالم كله عيّشنا في خوف فظيع ، خوف على أهلنا وخوف على نفسنا وخوف على الناس الي نحبهم ، منّنا الي خسر أحد من أفراد أسرته الله يرحم موتانا وموتى المسلمين يارب وأنا أتمنى إنها تكون آخر الأحزان يارب و مننا من خسر وظيفته بسبب إنهيار الإقتصاد.
THE BODY SHOP MASKS | ماسكات البشرة من ذا بودي شوب
الخميس، 25 يوليو 2019
بسم الله الرحمن الرحيم
كيف حالكم بنات إيش عاملين😃 ؟؟ أنا جدًا متحمسة على التدوينات الجديدة إلي حأكتبلكم هي قريب🤩 وكمان جدًا متحمسة على تدوينة اليوم الي حتكون خفيفة إن شاءالله وهي عن ماسكات ذا بودي شوب💁🏻♀️ حأتكم في هادي التدوينة عن وظيفة كل ماسك وإيش يعمل للبشرة فبدون ما أطوّل عليكم يلا نبدأ ..
JACLYN COSMETICS DRAMA | مشكلة أرواج جاكلين كوزماتيكس
الأحد، 16 يونيو 2019
بسم الله الرحمن الرحيم
السلام عليكم بنات كيف حالكم حبيباتي وحشتوني قد البحر🥰💗 سنة 2019 من السنين الي حصلتلي فيها كثير أحداث مصيرية في حياتي وكانت في النازل والطالع مافي وسط 😓 لكن الحمدلله على كل حال وأنا بأحاول قد ما أقدر إني أخلي باقي السنة بم إنو الآن راح النص وباقيلنا النص الثاني أبغا دي السنة تكون حلوة وغير إن شاءالله ربي🤩 يكون كاتبلي باقية السنة خير عليا وعليكم يارب ...
بعيدًا عن الأحداث الّي سارت معايا .. سنة 2019 مليانة بالدراما والمشاكل بالذات في اليوتيوب😳 أنا دايما ما أحب أتكلم في الحاجات السلبية الي بتسير في الدنيا عموما وأحب إنو مدونتي تكون مكان إيجابي ومحفّز للجميع بس من جد ما أقدر أتجاهل مشكلة براند أو ماركة اليوتيوبر جاكلين المعروفة بجاكلين هيل سابقًا ليش 👆🏽؟؟ علشاني ما أبغا يسير فيكم زي الي سار مع الناس ولا تجرّبوا من الماركة الا بعد ما تتزبط كل المشاكل الي حاصلة مع البراند😶 فخلينا ندخل في الموضوع وأقلكم كل الي حاصل مع جاكلين كوزماتيكس ...
MARCH FAVORITES | مفضلاتي لشهر مارش
الأربعاء، 10 أبريل 2019
بسم الله الرحمن الرحيم
كيف حاااالكم مررررررة وحشتوني🤩 كيفكم و كيف نهاية السنة معاكم والإختبارات ؟؟ إن شاءالله الكل ينجح بأعلى الدرجات يارب و تاخدوا الإجازة الكبييييرة 🙏🏼 !!
اليوم التدوينة حتكون خفيفة لطيفة عليكم وحأتكلم فيها على مفضلاتي لشهر مارش😎 فبدون ما أطول عليكم يلا نبدأ !!
BEST YOUTUBE CHANNELS | أحلى قنوات اليوتيوب الي دائما أتابعها ؟
الثلاثاء، 26 مارس 2019
بسم الله الرحمن الرحيم
السلام عليكم بناااااات كيف حااااالكم 💘 إيييييش أخباركم اليوم أنا جياكم بتدوينة قنوات اليوتيوب الي ما أفوتلهم فيديو واحد كل فيديوهاتهم أتابعها من جد من أحلى القنوات الي أتفرجتها وحيكون في كثير قنوات عربية و سعودية فيلا بدون ما أطول عليكم خلونا نبدأ لإنو القنوات كثييييير😆👌🏽... قبل ما أبدأ أبغا أقلكم إنو أسماء القنوات موجودة في الصور الي رح أحطها لكل يوتيوبر ...
JEFFREE STAR COSMATICS | !! رأيي في ماركة جيفري ستار
السبت، 9 مارس 2019
بسم الله الرحمن الرحيم
أهلا بنات كيف حااااالكم اليوم التدوينة إن شاء الله حتكون عن رأيي في ماركة جيفري ستار كوزماتيكس 💗 وليش أنا قرّرت أكتب عن هادا الموضوع هنا في المدونة بعد ما أتكلمت عليه بالتفصيل في حسابي بالإنستقرام ..
التدوينة إن شاء الله حتكون خفيفة وقصيرة جدًا😄 وأتمنى إنو أي أحد يختلف عني أنا أحترم آراء الجميع طالما كانت في حدود الأدب وهادا في النهاية رأيي الشخصي👌🏽😀 .. فيلا نبدأ !!
COFFEE TALK WITH SHAHAD | ليش مكياجنا ما يطلع زي المشاهير والبيوتي قوروز ؟؟
الثلاثاء، 5 مارس 2019
بسم الله الرحمن الرحيم
أهلين بنات كيف حالكم تدوينة اليوم كان المفروض تنزل أمس🌸 لكن كنت مرررة تعبانة ماقدرت أنزلها في يومها أعذروني حبايبي ...
اليوم التدوينة كوفي توك☕️حضرولكم قهوة أو شاهي وأجلسوا روقوا معايا وخلّونا ندردش مع بعض في موضوع أنا عن نفسي مأزمني وأكيد في كثير بنات زيي حاسين بنفس إحساسي😄😂...
كثير مننا نحنا البنات وبم فيهم أنا أشوف توتوريال أو لوك معين على اليوتيوب أو الإنستقرام لمن أجي أسويه وأنسخه ما يطلع أبدا زي "المشاهير" بصورة عامة و"البيوتي قوروز" بصورة خاصة😓 مع إنو أكون جايبة نفس باليت الشادو والفرش وكل شي يعني جاهزة مجهّزة وبأعمل نفس التكنيك و مع ذلك مااااا يطلع اللوك زي ما هو عليهم طيب لييييييييش🤣 ؟؟ خليني أقلكم من وجهة نظري إيش الأسباب الي بتخلّي مكياجنا مهو زيهم .
حطو في بالكم إنو عندنا في مجتمعنا نفس الفكرة حقت المشاهير الأجانب ولكن النسخة العربية ظاهرة الفاشينيستات ... الفاشينيستات عندنا لااازم أتكلم عنهم في تدوينة لحالها ههههه🤣 .
MY HAIR CARE ROUTINE | !! عنايتي بشعري
السبت، 2 مارس 2019
بسم الله الرحمن الرحيم
السلام عليكم بنات كيفكم مرررررة وحشتوني💗 !!!!! اليوم التدوينة نااااااار وشراااااار🤣 وكثير تجيني أسئلة عن العناية بالشعر وكيف نعتني بشعرنا اذا نحنا عندنا تساقط والشعر بيطيح ؟؟؟؟ أنا حأكلمكم بم إني درست تخصص صحي وأعرف دكاترة في مجال الجلدية فأقدر أعطيكم المفيد ... بس أوّل شي أبغا أقلكم إنو أنا شخصيا في عيلتي عندنا التساقط الوراثي او الصلع الوراثي موجود في العيلة وأنا شخصيا عندي لخبطة في الهرمونات بتأدي إنو إحتمالية تساقط شعري كبيرة ف كيف بأحافظ نوعا ما على شعري بشكل علمي وغير مبالغ فيه ؟؟؟😀 ..
ان شاء الله هادي التدوينة حتفيد كل الي يعانوا من التساقط الوراثي أو الصلع الوراثي فبدون ما أطول عليكم يلا نبدأ
Jeffree Star Cosmetics X Manny Mua Collection Review | جيفري كوزماتيكس ريفيو
الثلاثاء، 25 ديسمبر 2018
بسم الله الرحمن الرحيم
كيف حالكم يا أحلى بنات إيش أخباركم وحشتوني قد البحر💗 !! كيف الإختبارات إن شاء الله ربي يوفقكم يارب وكلكم تجيبوا علامات تسعدكم وأنا كل يوم أدعيلكم الله يوفقكم يارب ولا يضيعلكم تعب أساسا خلاص ما بقي الا يومين وتخلصوا 😆💗... التدوينة مستنياكم لبعد الإختبارات روحوا ذاكروا وتعالو شيكوا عليها أول ما تخلصوا ..
والي زيي خلص دراسة ف يلا اليوم أنا جيتكم بريفيو عن واحد من الكوليكشنز اليميتيد إيديشن 🙏🏼😉 لماركة جيفري كوزماتيكس بالتعاون مع اليوتيوبر Manny Mua .. هادا الكوليكشن نزل بداية السنة الي فاتت ٢٠١٧ قبل الدراما الي سارت بين جيفري وماني فبغض النظر عن الدراما رح أعملكم إن شاء الله ريفيو عن الكوليكشن بدون أي تحيز وبكل صراحة فيلا نبدأ🌸
GOODBYE NAKED ORIGINAL PALETTE | وداعًا لباليت أوربان ديكاي الأوريجينال
الأربعاء، 26 سبتمبر 2018
بسم الله الرحمن الرحيم
كيف حالكم بنااات أخيييييرا الخريف جااااا مرة أحب فصل الخريف والشتاء 🍁🍂❄️⛄️ !! اليوم التدوينة مؤثرة بالنسبالي😩 لإني حأتكلم معاكم عن أول باليت هاي إند أشتريتها في حياتي وهي باليت أوربان ديكاي نيكيد أوريجينال ومع الأسف حيوقفو تصنيعها وماحتسير موجودة بعد الآن😞 .. التدوينة اليوم حتكون خفيفة فيلا حبايبي نبدأ😆..
مقابلتي مع المدوّنة داليا | MY INTERVIEW SERIES
السبت، 14 يوليو 2018
بسم الله الرحمن الرحيم
كيفكم بنات ايش أخباركم ؟؟😍 أنا مرررة متحمسة لإنو التدوينة اليوم حتتكون تدوينة مقابلة بعد فترة طويلة من غيابي عن سلسلة المقابلات الي إنتو كنتو متعودين عليها كل شهر🌸
ضيفتي اليوم إنسانة جمييييلة من جوا وبرّا إسمها داليا💘 عندها مدوّنة وعندها يوتيوب وسوشيال ميديا عرفتها من فترة بسيطة من خلال تدوينة لها وعلطول قلت داليا لااااازم أتواصل معاها وأقلها تكون ضيفتي لليوم في المقابلة😃 وعلطول ردّت عليا انها أكيد حتكون معايا أنا وقتها طِرت من الفرح لإنها إنسانة من جد ألهمتني بكومنتاتها الجميلة في مدونتي وبشغلها ونجاحاتها الي يارب تكبر وتكبر وأشوفك في أعلى المناصب😘💗 يا داليا .. إنتي من جد الفترة الي فاتت ساعدتيني كثير بكلماتك الحلوة خلينتيني أبغا أنجز وأسير قوية💪🏼 شكككككررررا ياقلبي
أنا مبسوطة فيكي معايا اليوم وأتمنى الكل يتعرف عليكي ويعرف قد إيش إنتي إنسانة جميييلة بدون ما أطول عليكم
خلونا نبدأ التدوينة وتتعرفوا على داليا ....😃
