COFFEE TALK WITH SHAHAD | من أنا ؟؟؟

الخميس، 17 ديسمبر 2015

 بسم الله الرحمن الرحيم 



كيفكم حبايبي ؟؟ اليوم أبغا أتكلم معاكم عن موضوع من جد مسيطر عليا سرلو حوالي سنتين أولا أبغا أكلمكم شوية عن نفسي إسمي شهد عمري ٢١ ، الحمدلله حياتي تمام ومو ناقصني شي دخلت تخصص رفعت راس أهلي فيه ، بس ما أقدر أقول شي زيادة إلا إني كنت الين السنتين الي فاتت أبغا كل شي في حياتي يكون بيرفكت لمن كنت في الثانوي كنت أبغا أكون الاولى كل سنة وأبغا أجيب علامات وما أنقص ولا درجة علشان أدخل الجامعة وأدخل تخصص يجبلي راتب معيشي كويس وعلشان أرضي أهلي ويكون إسمي في المجتمع إنو أنا بنت دخلت تخصص تمام ، ولمن دخلت التحضيري الضغط زاد عليا عشان أجيب علامات وأدخل تخصص كويس والحمدلله سار ودخلت تخصص كويس وفضلت على هادا الحال الين ما خلصت سنتي الثانية في الجامعة وأنا دحين في السنة الرابعة .

مشترياتي للشموع من باث أند بودي !

السبت، 5 ديسمبر 2015

 بسم الله الرحمن الرحيم 

كيفكم حبايبي وكيف دخول الشتاء معاكم ؟؟؟؟ أنا بالنسبالي مررة متحمسة للشتا لإنو أحلى فصل من فصول السنة بالنسبالي ... طيب بم إنو دوبنا خلصنا فصل الخريف رح أتكلم عن الشموع إلي أشتريتها قريب من باث أند بودي ووركس لمن رحت أشتري كانو لسة بيبيعو شموع الخريف أشتريتهم يوم البلاك فرايدي ... بدون ما أطول عليكم يلا نبدأ 3> .



SWEATER WEATHER TAG

السبت، 24 أكتوبر 2015
السلام عليكم ورحمة الله وبركاته 

كيفكم حبايبي ؟؟ بم إنو بدأ الخريف صح إنو أنا في جدة مني حاسة إنو خريف بس برضو أبغا أعمل تاق أسئلة أنتشر قبل كم سنة عاليوتيوب ودحين أبغا أعملو فاللي تبغا تسويه لا تتردد وتعملو سواء كان في مدونتها أو في الانستقرام ولا تنسي تمنشنيني على البوست علشان أشوفو تلاقوا كل حساباتي في السوشيال ميديا في المدونة نفسها وحأرجع أحطلكم هيا تحت .



NAKED3 VS CHOCOLATE BAR REVIEW

السلام عليكم ورحمة الله وبركاته

كيفكم يا أحلى بنات إيش أخباركم اليوم حأتكلملكم عن باليتين مرة أحبهم الي هما

NAKED3 VS CHOCOLATE BAR
AND
NAKED 3 ~ URBAN DECAY

نيكيد٣ من أحلى الباليتات الي جربتهم من أربان ديكاي ألوانها يغلب عليها الروز قولد ودرجات البنك  وهادا الي عجبني فيها.
ما أحب أستخدمها بدون برايمر للشدو علشان البرايمر هوا الي يخلي اللون واضح على الجفن إلا طبعا لو تبغي اللون يطلع خفيف ممكن تحطيه بدون برامر أنا عن نفسي أستخدم البرايمر العادي من أربان ديكاي وفي طبعا أنواع كتير ممكن تجربو الي يعجبكم وتشتروه .



أفلامي في عمر المراهقة | MY TEENAGE MOVIE

الجمعة، 4 سبتمبر 2015

بسم الله الرحمن الرحيم

اليوم يا حبايبي جيتكم بموضوع يحمس وحلو للي يحبوا الأفلام أنا عن نفسي لين دحين أتفرج هادي النوعية من الأفلام يعني هادي الأفلام دائما هيا الي تشدني الي يكون جوها في المدرسة أو الجامعة والحكاية حقت الفلم تدور من هناك دحين حأحطلكم كل الأفلام الي كنت ولا زلت أحبهم علشان تتفرجوهم وتستمتعوا بيهم يلا نبدأ ...

*  HILARY DUFF :

هيلاري دوف من الممثلات الي عنجد أعشقهم جدا كل ما تنزل فلم لازم أتفرجو من جد عمركم ما حتلاقو أفلام زي أفلامها كل شي فيها حلو ماشاءالله .


حياة الجامعة | COLLEGE LIFE

الأحد، 30 أغسطس 2015

بسم الله الرحمن الرحيم 



ما تعرفوا قد إيش وحشتوني حبايبي مرررة واليوم رجعتلكم بتدوينة جديدة تتكلم عن حياة الجامعة وأنا من هنا أقول لكل البنات الي دوبهم داخلين الجامعة والي أساسا هما في الجامعة كملوا قراءة التدوينة لإنها مرة حتفيدهم ويلا نبدأ ؟؟؟؟

مشاريع DIYs

الخميس، 18 يونيو 2015

السلام عليكم ورحمة الله وبركاته


كيفكم حبايبي و بما إني نزلت التدوينة قبل أول يوم في رمضان أقلكم رمضانكم مبارك وكل سنة وإنتو طيبين يارب ؛ هادا أول رمضان ليا معاكم ربي لا يحرمني منكم يارب ... 
اليوم جيتكم بتدوينة أكيد أستنيتوها كتير وهيا تدوينة DIYs هيا عبارة عن مشاريع تعملوها بيدكم ، بدون ما أطول عليكم يلا نبدأ :) .....



١- كريم للعين EYE CREAM





إيش حتحتاجوا :
١-زيت جوز الهند Coconut Oil نصف كاسة .
٢-كبسولات Vitamin E من ٨-٦ حبات أو تقدروا أسهلكم تشتروا زيت Vitamin E تلاقوه يتباع في بودي شوب .
٣- تجيبوا أي ابرة علشان لو جبتو كبسولات Vitamin E حتخرموا الكبسولات بالابرة وبعد كدة حتظغطو كل حبة علشان تطلعوا منها السائل .
٤-ممكن تضيفوا شي اختياري مو لازم تحطوه الي هوا أعتقد زيت اللبان اسمو بالعربي Frankincense Essential Oil .
٥-جيبو صحن غويط صغير للمايكرويف علشان تذوبو فيها .
٦-آخر شي جيبو علبة او كونتينر صغير للكريم في النهاية .

السعادة بداخلي !

الخميس، 11 يونيو 2015

السلام عليكم ورحمة الله

حبايب قلبي كيفكم من جد وحشتوني بعد غيبة الدراسة ، لكن المرة دي توبة أسيبكم حأرجع تاني لنظامي تدوينتين في الأسبوع أشكر كل شخص فتح التدوينة وقريها أحبكم من القلب وبدون ما أطول عليكم يلا نبدأ ...

طيب من العنوان أكيد قلتو ايش السعادة بداخلي ؟ إيش الحكاية بالزبط ؟ طيب إذا تبغو تعرفو ليش انا اخترت عنوان  التدوينة (السعادة بداخلي)؟؟ في نهاية التدوينة إنتو من لحالكم حتعرفوا ليش ...



بيبي كريم جارنييه ـ bb cream garnier

الأربعاء، 8 أبريل 2015

كيفكم حباااااايبي من جد مرة متحمسة لأول تدوينة ليا في المدونة 


طيب خلونا نبدأ >> اليوم حأتكلم معاكم عن bb cream garnier وبالتحديد الطويل مو الصغير لإنو الصغير صراحةً كان جدًا سيء لو تبغوني أتكلم عنو في تدوينة لحال قولولي >> دحين حاحطلكم صورة الي حاتكلم عنو دحين :)