السلام عليكم ورحمة الله وبركاته
كيفكم حبايبي ؟؟ بم إنو بدأ الخريف صح إنو أنا في جدة مني حاسة إنو خريف بس برضو أبغا أعمل تاق أسئلة أنتشر قبل كم سنة عاليوتيوب ودحين أبغا أعملو فاللي تبغا تسويه لا تتردد وتعملو سواء كان في مدونتها أو في الانستقرام ولا تنسي تمنشنيني على البوست علشان أشوفو تلاقوا كل حساباتي في السوشيال ميديا في المدونة نفسها وحأرجع أحطلكم هيا تحت .
? Favorite candle scent
أحب ريحة cedarwood trail من باث اند بودي ما أعرف إذا حتلاقوها دحين أو لا ريحتها تحسسكم بالخريف صح .
? Coffee, tea, or hot chocolate
أنا أشرب قهوة وهوت تشوكليت بس يمكن في الخريف لو أبغا أشرب شي وأحس إنو خريف حأعمل هوت تشوكليت فوقو كريمة .
? What's the best fall memory you have
كلو زي بعضو يعني أنا ما عندي ذكريات خاصة بالخريف أو يمكن ما في شي في بالي .
? Which makeup trend do you prefer: dark lips or winged eyeliner
أكيد دارك ليب مرة أحب الأرواج أكثر من أي شي حتى في الجامعة دايما أحط بيبي كريم أو فاونديشن بسيط وبرونزر وأعمل حواجبي وأهم شي روج غاامق .
? Best fragrance for fall
في الوقت الحالي باستخدم هادا العطر Juicy Couture ~ Couture Couture Eau de Parfum ما عندي ريحة محددة للفصول الي يعجبني أحطو
العطر ده ريحتو رهييييييبة .
? Favorite Thanksgiving food
نحنا مسلمين ما عندنا ثاكس قيفينج لكن حاقول إيش أفضل أكلة عندي بشكل عام اللزانيا هادي الي دحين في بالي مع إنو عندي أكلات كتير أحبها .
? What is autumn weather like where you live
والله أنا عايشة في جدة والجو حار لكن سار دحين شوية أهون من لمن كان في الصيف أول كان الجو حار بقوة مايمزح يعني ههههه .
? Most worn sweater
مرة أحب سويترز H&M مريحين مرة وأشكالها مرة كيوت .
? Must-have nail polish this fall
في لون أحمر على بني مرررة غامق من essie جدا جميل للخريف وللشتا كمان .
? Football games or jumping in leaf piles
أنقز على الاوراق عارفة إني حأتعور بس كلو يهون ولا إني العب كورة .
? Skinny jeans or leggings
ليقينقز مع إنو أحب شكل الجينز أكثر بس أخترتو علشانو مريح .
? Combat boots or Uggs
أكيد كومبات بوتس .
? Is pumpkin spice worth the hype
والله أنا ما دقتو ما أعتقد إنو يتباع في ستاربكس حقنا بس على حسب مني شايفة الأجانب طايحين عليه
فإيوة وورث ذا هايب أكيد .
Favorite fall TV show
والله أنا أتفرج مسلسلات إمريكية بس سرلي ٣ سنين طايحة عالمسلسلات التركية
وفي الوقت الحالي بأتفرج أحلى مسلسل في العالم الي هوا بويراز كارايل الي ما أتفرجو يكون ضيع نص عمرو .
? What songs really gets you into the fall spirit
staying jacm remix وهادا رابط الأغنية
? What's your favorite book you're reading (or have read) this fall
في الوقت الحالي بأقرأ حوجن وحأعمل عنو بوست أول ما أخلصو إن شاءالله .
? What is something that nobody knows about you
محد يدري عني إنو أنا إنسانة جدا حساسة وكمان محد يدري إنو أنا أكتب كل شي عن حياتي في كتاب خاص بيا ما أدري ليش بس يمكن حايفيدني بعد كم سنة لمن أفتحو وأقرأ أنا فين كنت وفين صرت وآخر شي محد يدري عنو إنو أنا عندي خوف كبير من إني أفقد الناس الي أحبهم لاني ما أعتقد حأقدر أتحمل فقدانهم .
******
وبكدة يكون خلصت أسئلة التاق لو تبغوا تسووه في أي مكان لا تنسو تعملولي منشن أو تاق عليه أو تحطو كومنت تحت برابط مدونتكم علشان أقدر أشوفو ولو عملتوا في الإنستقرام هادا حسابي أعملولي تاق عالصورة وأنا حأشوفو
thatbeautyangel@
0 التعليقات:
إرسال تعليق