NAKED3 VS CHOCOLATE BAR REVIEW

السلام عليكم ورحمة الله وبركاته

كيفكم يا أحلى بنات إيش أخباركم اليوم حأتكلملكم عن باليتين مرة أحبهم الي هما

NAKED3 VS CHOCOLATE BAR

AND

NAKED 3 ~ URBAN DECAY

نيكيد٣ من أحلى الباليتات الي جربتهم من أربان ديكاي ألوانها يغلب عليها الروز قولد ودرجات البنك وهادا الي عجبني فيها.

ما أحب أستخدمها بدون برايمر للشدو علشان البرايمر هوا الي يخلي اللون واضح على الجفن إلا طبعا لو تبغي اللون يطلع خفيف ممكن تحطيه بدون برامر أنا عن نفسي أستخدم البرايمر العادي من أربان ديكاي وفي طبعا أنواع كتير ممكن تجربو الي يعجبكم وتشتروه .

ألوان الباليت زي ما إنتو شايفين في الصورة جدا جميلة ولمعتها تجنن وزي ماقلت قبل يغلب عليها ألوان الروز قولد فيها ألوان مات أو مطفية وألوان شيمر أو بلمعة العيب الوحيد في هادا الباليت هوا إني أحس البلندينق أو توزيع الآيشادو و دمجه شوية مو سهل يعني يبغالك تتدربي على الدمج كويس لانو لو طريقة دمجك للألوان كانت مو مزبوطة كل اللوك حيخرب لازم تخلي يدك خفيفة وإنتي بتدمجي اللون وتصبري في الدمج وأكيد التدريب يعلم وترا الدمج مرة مهم وإنتي بتعملي مكياجك بشكل عام فلازم تتدربوا على الدمج غير كدة الباليت بيرفيكت ورائعة .

تقييمي للمنتج : ١٠\٨ أنصحكم تشتروها.

سعرها ما يتعدا ٣٠٠ ريال بس ما أعرف كم بالزبط .

CHOCOLATE BAR ~ TOO FACED

توو فيسد هادي عاد كلمة رهيبة قليله عليها ألوانها متنوعة وممكن تعملي أي لوك بألوانها ، زيها زي نيكيد ٣ فيها ألوان بلمعة وفيها ألوان مات أو مطفية .

مافيها ولا عيب يمكن عيبها الي ما يعتبر مرة عيب هوا إنو أحيانا لمن أوزع اللون عالجفن يتناثر شوية على خدي ما لاحظت هادا الشي مع نيكيد يعني هوا مايعتبر عيب لإنو ممكن تحطي لوس باودر تحت عينك وتنتهي الإشكالية أول ما تخلصي الايشادو تشيلي البودرة وخلاص أو أعملي عيونك قبل الفاونديشن والكونسيلر .