بسم الله الرحمن الرحيم
اليوم يا حبايبي جيتكم بموضوع يحمس وحلو للي يحبوا الأفلام أنا عن نفسي لين دحين أتفرج هادي النوعية من الأفلام يعني هادي الأفلام دائما هيا الي تشدني الي يكون جوها في المدرسة أو الجامعة والحكاية حقت الفلم تدور من هناك دحين حأحطلكم كل الأفلام الي كنت ولا زلت أحبهم علشان تتفرجوهم وتستمتعوا بيهم يلا نبدأ ...
* HILARY DUFF :
هيلاري دوف من الممثلات الي عنجد أعشقهم جدا كل ما تنزل فلم لازم أتفرجو من جد عمركم ما حتلاقو أفلام زي أفلامها كل شي فيها حلو ماشاءالله .
١- A Cinderella Story :
٢- Raise Your Voice :
٣- The Perfect Man :
٤- Material Girls :
٥- According to Greta :
٦- Beauty & the Briefcase :
* KRISTEN STEWART :
كريستين ستيوارت من الممثلات الي ما أحب أفلامها كتير بس أكيد كلنا أتفرجنا سلسلة توايلايت ، مو كل الأجزاء عجبتني بس فيه جزء مرة عجبني .
١- The Twilight Saga: Breaking Dawn – Part 1 :
* AMANDA BYNES :
مرة أحب أفلامها دحين ماسارت تسوي أفلام إنشاء الله ترجع تسوي أفلام زي زمان كانت أفلامها بطلة .
١- Love Wrecked :
٢- What a Girl Wants :
٣- She's the Man :
٤- Sydney White :
* LINDSAY LOHAN :
مرررة أحب أفلامها القديمة أفلامها الجديدة ما تعجبني أبدا أما القديمة كانت مرررررة حلوة ولازم كلكم تشوفوها .
١- Just My Luck :
٢- Freaky Friday :
٣- Confessions of a Teenage Drama Queen :
٤- Mean Girls :
* AMANDA SEYFRIED :
أحب تمثيلها جدا بس في نفس الوقت مو كل أفلامها أفرجتها .
١- Letters to Juliet :
* MILEY CYRUS :
مايلي سايريس من الناس الي أفلامها جمييييلة ، فلم واحد هوا الي أنا ميتة عليه .
١- The Last Song :
* MANDY MOORE :
من الممثلات الي أحترمهم وأحب تمثيلهم أحبها .
١- A Walk to Remember :
٢- Love, Wedding, Marriage :
* MEGAN FOX :
بصراحة أنا ما أحب أفلامها مرة يعني إختياراتها في الأفلام مو مرة موفقة هادا رأيي لكن أتفرجتلها فلم واحد وما كان بطال بس برضو مو الواو يعني عادي .
١- Jennifer's Body :
* KRISTEN BELL :
هادي الممثلة لو تبغوا تضحكوا باختصار أتفرجولها مرة لزيزة وتضحك ودايما أفلامها كوميدية .
١- You Again :
٢- When in Rome :
هادي حبايبي كانت أحلى الأفلام الي كنت أتفرجها ولازلت أحبهم أتمنى تكون التدوينة عجبتكم وزي دايما لاتنسوا تقولولي آرائكم في الكومنت تحت وتضيفوني في كل السوشيال ميديا خصوصا السناب شات علشان أتواصل معاكم أكثر الله يحميكم يارب وجمعة مباركة عليكم .
ذي الافلام كانت الافضل بالنسسبه ليا
ردحذفاتمنى البعض يرجع يمثل مثل قبل ،لان الاغلبيه اختفو عن الساحة
مثل هيلاري دوف و اماندا و ليندسي
شكر لكك ♥️
اهلا حبيبتي بسطتييني مرة بتعليقك ياعسل انا معاكي هادي أحلى الاقلام الي اتفرجتها وياريت ترجع الأفلام زي أول كانت لها طعم تااااني
حذف