السلام عليكم ورحمة الله وبركاته
اليوم جيتكم بتدوينة أكيد أستنيتوها كتير وهيا تدوينة DIYs هيا عبارة عن مشاريع تعملوها بيدكم ، بدون ما أطول عليكم يلا نبدأ :) .....
١- كريم للعين EYE CREAM
إيش حتحتاجوا :
١-زيت جوز الهند Coconut Oil نصف كاسة .
٢-كبسولات Vitamin E من ٨-٦ حبات أو تقدروا أسهلكم تشتروا زيت Vitamin E تلاقوه يتباع في بودي شوب .
٣- تجيبوا أي ابرة علشان لو جبتو كبسولات Vitamin E حتخرموا الكبسولات بالابرة وبعد كدة حتظغطو كل حبة علشان تطلعوا منها السائل .
٤-ممكن تضيفوا شي اختياري مو لازم تحطوه الي هوا أعتقد زيت اللبان اسمو بالعربي Frankincense Essential Oil .
٥-جيبو صحن غويط صغير للمايكرويف علشان تذوبو فيها .
٦-آخر شي جيبو علبة او كونتينر صغير للكريم في النهاية .
طريقة التحضير :
١-حطوا زيت جوز الهند في صحن مناسب ودخلوه الماكرويف ١٥ دقيقة وممكن كمان تسخنوه عالنار لو ماعندكم مايكرويف إلين مايسير سائل .
٢-بعد كدة تاخدوا سائل جوز الهند و تصبوه في الكونتينر و تحطو عليه كمان السائل الي طلع من كبسولات Vitamin E
مع ١٠ نقاط من زيت اللبان لو حابين .
٣-آخر شي تحطو الكونتينر في التلاجة أقل من ساعة لغاية مايسير السائل صلب بعد كدة تطلعوه ويسير قابل للإستعمال .
طريقة الإستعمال :
يسخدم في الليل تحت العين هوا يمنع التجاعيد ويخلي المنطقة نضرة أكتر، ممكن تستخدموه كمان كمزيل لمكياج العيون .
لمعلومات أكثر :
http://redefinedmom.com/homemade-best-anti-aging-eye-cream
٢-بخاج تثبيت المكياج Makeup Setting Spray
*الطريقة الأولى :
١- تجيبو ملعقة أكل وحده جلسرين tablespoon of glycerin .
٢-أربعة ملاعق موية .
تخلطوهم مع بعض وتخضوهم وبعد كدة ترشو منو من ٣-٤ بخات بعد الميك اب .
* الطريقة الثانية :
١-ربع كاسة من ماء الهاماميليس witch hazel .
الوتش هازل هو ماء مستخلص من نبات عشبي أصفر اللون مفيد جدا للبشرة وللتخلص من مشاكل البشرة .
٢-نص كاسة موية ورد rose water .
لو بشرتك جافة تحطي ٣ ملاعق من الموية أو موية الورد وبعد كدة تضيفو ملعقة وحدة من موية الوتش هازال .
* الطريقة الثالثة :
١-ملعقة وحدة من جل الصبار aloe vera أو الجلسرين .
٢-نصف كاسة موية ورد .
تخلطوهم مع بعض وتستخدموهم بعد الميك اب .
لمعلومات أكثر:
http://www.indianbeautyspot.com/2014/08/diy-natural-makeup-setting-spray.html
٣-سكرب سكر بيبي روز Baby Rose Sugar Scrub
إيش حنحتاج :
١-واحد ونصف كاسة من السكر الأبيض .
٢-ربع كاسة زيت الأطفال .
٣-ورق ورد ١٢ حبة .
٤-خلاط أكل عادي .
٥- جار زجاجي للسكرب .
طريقة التحضير :
نحط السكر في الخلاط بعدين الزيت وآخر شي الورد ونخلطو أنا عن نفسي مرة عجبني وحأجربوا انشاءالله .
لمعلومات أكثر :
http://www.smartschoolhouse.com/diy-crafts/sugar-scrub-recipe-rose/2#_a5y_p=1332814
٤- ثلاثة أقنعة للشعر hair masks
*القناع الأول :قناع الفراولة Strawberry Deep Conditioning Mask
من فوائده يخلي الشعر لامع وناعم ...
نحتاج :
١-فراولة ٨ حبات .
٢-ملعقتين طعام مايونيز .
الطريقة :
نخلط المقادير مع بعض الين مايسير كريمي ، نضع الخليط على شعر مبلول لمدة ١٥ دقيقة بعد كدة نغسلو بالشامبو عادي .
*القناع الثاني :قناع الموز Banana Hair Mask
رائع للشعر اذا تطلب ترطيب أكثر وممكن يساعد في تقليل النفشه ، جميل في وقت الصيف ويعطي ريحة جميلة للشعر ...
نحتاج :
١-موز حبه وحدة بس .
٢-ملعقة طعام زيت زيتون .
٣-ثلاثة ملاعق طعام كاملة مايونيز .
الطريقة :
نخلط المقادير كويس ، نضيفو عالشعر الجاف ونركزو على جذور أو منابت الشعر ، نخليه ٣٠ دقيقة وبعد كدة نغسل بالشامبو عادي .
*القناع الثالث :قناع الزيت بالبيضDry and Damaged Hair Mask
يستخدم للشعر الجاف والتالف يعمل على ترطيبه ...
نحتاج :
المعيار هنا للشعر الي طوله الين الكتف لو شعرك أطول دبلي المقادير .
١-ملعقتين طعام زيت زيتون .
٢-ملعقة طعام خل ابيض .
٣- بيضة وحدة .
الطريقة :
نخلط المقادير مع بعض ، نضيفها للشعر الجاف من ٢٠-١٥ دقيقة ، نغسل الشعر عادي بالبلسم والشامبو .
لمعلومات أكثر :
http://www.hairsprayandhighheels.net/2012/05/tuesdays-treats-diy-hair-masks
٥-ليب جلوس للشفايف :
*ألوان شمعية +زيت جوز الهند
٦-قناع ترطيب للشعر :
*افوكادو مهروس+عسل
٧-مزيل لطلاء الأظافر :
*عصير ليمون+خل أبيض
٨-قناع معالج لحب الشباب :
*طين معالج+فحم
٩-قناع معالج للفروة :
*سكر بني+زيت زيتون
١٠-الحفاظ على القدمين :
*خل+مطهر للفم ضد الفطريات
كل ال DIYs من ٥-١٠ من نفس الموقع :
http://www.buzzfeed.com/juliegerstein/two-ingredient-diy-tries?sub=3389537_3422028#.jrbnqXEqd
في النهاية حبايبي أتمنى التدوينة عجبتكم لو جربتوها أكتبوآ في الكومنت تجاربكم علشان نستفيد أنا هادي الخلطات ما جربتها لكن حأجربها إن شاءالله حطيتلكم المصادر الي جبت منها الصور لو تبغوا معلومات أكثر الصور مو من تصويري لو تبغوني أسويلكم جزء تاني لهادي التدوينة قولولي حبايبي ورمضان كريم مرة تانية أشوفكم في تدوينة تانية ومع السلامة .
0 التعليقات:
إرسال تعليق