THE BODY SHOP MASKS | ماسكات البشرة من ذا بودي شوب

  بسم الله الرحمن الرحيم  

كيف حالكم بنات إيش عاملين😃 ؟؟ أنا جدًا متحمسة على التدوينات الجديدة إلي حأكتبلكم هي قريب🤩 وكمان جدًا متحمسة على تدوينة اليوم الي حتكون خفيفة إن شاءالله وهي عن ماسكات ذا بودي شوب💁🏻‍♀️ حأتكم في هادي التدوينة عن وظيفة كل ماسك وإيش يعمل للبشرة فبدون ما أطوّل عليكم يلا نبدأ ..

  1- CHINESE GINSENG & RICE MASK  

 ماسك الرز والجينسنق الصيني🍙 .. هاذا الماسك عن تجربة جدًا رهيب أنا أعرف من زمان قد إيش الرز مفيد للبشرة و لمّن شفت إنو الماسك من مكوناته الأساسية الرز قلت لازم أشتريه😛 ولمّن عرفت إنو الجينسنق الصيني كمان أحد المكونات مع الرز قلت خلااااص لازم أشتريه ورحت وأشتريته وجدّا عجبتني التجربة😇..

وظيفة الماسك هاذا إنو يعمل على تبييض البشرة ونضارتها ويخفف من آثار الحبوب والبقع فهادي طبعًا من فوائد الرز كمان يشد البشرة مع الوقت ويقلل من ظهور التجاعيد ويعمل على تنشيطها💙 وهادي كمان من فوائد الرز والجينسنق من

 أجمل الماسكات سعره ١٠٥ ريال سعودي غالي ولكن يستاهل كل ريال .

  2- HIMALAYAN CHARCOAL MASK 

ماسك الفحم من الماسكات الغنية عن التعريف🥰 الفحم معروف إنو ينقي البشرة ويطرد السموم الموجودة في المسام ويساعد على إنو يجدّد البشرة عشان تسير صافية مع الإستمرار .. أنا شخصيّا أستخدم ماسك الفحم لمن الاقي مثلا حبّة طالعالي أو بشرتي فيها رؤوس سوداء يعني بإختصار لمّن أبغا بشرتي تتنظّف بعمق وتسير نقيّة أستخدم ماسك الفحم حبيته💙 ولكن مو كثير أستخدمه سعره ١٠٥ ريال سعودي .

  3- BRITISH ROSE MASK  

نروح لماسك الورد البريطاني💕 هاذا الماسك فيه قطع من الورد وظيفته إنو يعمل ترطيب وإمتلاء للبشرة أستخدمه بعد الماسكات الي قوية شوية زي ماسك الفحم لإنو أكون محتاجة ترطيب فغالبًا ماسكات الترطيب أستخدمها بعد

 ماسكات تانية أقوى💕 سعره ١٠٥ ريال سعودي .

  4- NICARAGUAN COFFEE MASK  

ماسك القهوة من ذا بودي شوب من جد من أحلى الماسكات الي أستخدمتها بعد ماسك الرز الي أتكلمت عليه قبل .. ماسك  

 من ناحية الملمس داخل الماسك موجودة حبيبات قهوة تعمل على تقشير البشرة sticky القهوة شوية 

وظيفته بم إنو عبارة عن قهوة فهو يخلي البشرة مستيقظة ونشطة☕️ من جد مررررة أحبه بعد ماسك الرز يجنن حبيبات 

 القهوة رهيبة في التقشير💕 من بعده أحس بشرتي سارت جدييييدة هو وماسك الرز التوب عندي 

سعره ١٠٥ ريال سعودي .

  5- JAPANESE MATCHA TEA MASK 

نروح لآخر ماسك من مجموعة الماسكات الموجودة عندي حاليا ماسك شاهي الماتشا الياباني💚 طبعا الماتشا غني بمضادات  الأكسدة ودا الشي حيخلّي البشرة محمية من أي ضرر من الملوثات الي حوليننا كمان هاذا الماسك يساعد على تقشير  البشرة بشكل خفيف وسعره ب ١٠٥ ريال سعودي .

وبكدة حبيباتي أكون وصلت معاكم لنهاية التدوينة أتمنى تكونوا أستفدتوا من التدوينة وأنا أنصحكم إنو تجرّبوا هادي الماسكات لإنها طبيعية و مكوناتها ماتضر البشرة و تناسب جميع أنواع البشرة وأنا أكثر نوعين عجبوني هما ماسك الرز والقهوة من أحلى الماسكات💕 ..

مستقبلًا إن شاء الله حأكمل مجموعة الماسكات الناقصة عندي😃 وأجربهم وأكتبلكم عنهم أتمنّى لكم يوم سعيييد وأشوفكم إن شاء الله في التدوينة الجيّة مع السلامة .

2 comments CARE PRODUCT