A NEW BEGINNING WITH U | بداية جديدة معاكم

  بسم الله الرحمن الرحيم  

كيفكم وحشتوني جدا 💓 من زمان ماجيت هنا في المدوّنة وأتكلمت معاكم 😃من جد أحس هنا كأني قريبة منكم أكثر ولمن الحمدلله سار عندي قرّاء وسرتوا تشاركوني أفكاركم سرت جدا ممتنة وجودكم في حياتي اليوم بدأت في مشروع صغير بيني ويبين نفسي أبغا أشارك كم موضوعه ف يلا نبدأ💁🏻‍♀️ ..

Read more | قراءة المــَزيد

Leave a Comment

MASINISA PRODUCTS REVIEW | مراجعتي لمنتجات العناية بالبشرة من ماسينيسا

  بسم الله الرحمن الرحيم  

السلام عليكم كيفكم حبايبي ؟؟ اليوم التدوينة ناااار وشرااار كنت ناوية أنزّلها لكم من زمان وأنا عارفة إنكم مستنيين التدوينة لإنو بتجيني أسئلة كثير عن منتجات ماسينيسا💗 أتأخرت في تنزيل التدوينة علشان كنت أبغا أجرّب المنتجات فترة طويلة وأقدر أقلكم رايي بكل صراحة سرلي تقريبا سنتين أستخدمهم فاليوم إن شاء الله حأكتبلكم فيه تدوينة مختصرة عن أحلى المنتجات الي جربتها من ماركة ماسينيسا واللي أنصحكم بتجربتها😊💕 

ماركة ماسينيسا هي ماركة عناية بالبشرة مغربية كل منتجاتهم طبيعية ١٠٠٪

 قبل ما أبدأ حابة أشكر أصحاب براند ماسينيسا حسناء وفاطمة وبالأخص فاطمة الزهراء من جد إنسانة قلبها طيب💖وتحب تتفاعل مع متابعينها جدًا متواضعة وماتبخل في الإنستقرام إنو تعطينا المعلومات الي تفيدنا كمتابعين من ناحية الخلطات الي تخص البشرة وغيره😊 ، فاطمة من الناس الي كل بين فترة تسأل عني في السوشيال ميديا في أصعب الأوقات الي مريت فيها كانت تقلّي كيف حالك وإيش عاملة ؟؟ أكيد كان يمديها إنو ما تسأل عني و ما عليها أي عتب ومهي ملزومة بس سؤالها من جد خلاني أسير مبسسسوطة💕 أنا من جد عمري ما حأنسى

 قلبك الطيب يا فطومة وتواضعك ووقفتك معايا شكرًا لكي

 بدون ما أطول عليكم خلونا نبدأ التدوينة ...

Read more | قراءة المــَزيد

1 comment CARE PRODUCT

WHATS NEW IN THE MAKEUP WORLD? | ما الجديد في عالم المكياج

  بسم الله الرحمن الرحيم  

السلام عليكم حبايبي😀 تدوينة اليوم كان المفروض تنزل أمس فإن شاء الله حأعّوضكم على تدوينة أمس كيفكم أول شي وإيش عاملين ؟؟ كيف الدنيا معاكم أهم حاجة إن شاء الله تكونوا جميعا بخير👋🏼🧡 ... اليوم التدوينة حتكون عن آخر كوليكشينات الميك أب الي نزلت طبعا نحنا عارفين إنو الشركات مع الوباء الي جانا ماسارت تنزّل منتجات كثير زي زمان ولكن مع ذلك فيه كم شركة نزّلوا كوليكشنات جديدة أنا اليوم جبتلكم بعضها وحأقلكم رأيي في كل كوليكشن فيلا نبدأ 👌🏽..

للمعلومية كل هادي الصور من حساب TRENDMOOD على الإنستقرام 

Read more | قراءة المــَزيد

Leave a Comment Makeup

MY CURRENT TURKISH SERIES | مسلسلاتي التركية في الفترة الحالية

  بسم الله الرحمن الرحيم  

السلام عليكم ياحلوين كيفكم 💗 ؟؟ أنا مررررة متحمّسة على تدوينة اليوم ، بم إنّكم حبيتوا تدوينة أفضل المسلسلات التركية

من وجهة نظري حبيت أشارككم مسلسلاتي التركية الي أتفرجتها الفترة الي فاتت😃 البعض مستمرة فيهم والبعض خلّصتهم فيلا خلونا نبدأ وخلوني أقلكم رأيي في كل مسلسل من وجهة نظري ..

Read more | قراءة المــَزيد

2 comments LIFESTYLE

COFFEE TALK WITH SHAHAD | طرق أسعد فيها نفسي في زمن كورونا ؟

  بسم الله الرحمن الرحيم  

السلام عليكم يا أحلى ناس كيفكم😀 ؟؟ وحشتوني سنة ٢٠٢٠ يمكن أكثر سنة صعبة مرت عليا في حياتي كلّها😭 .. من بداية السنة تقريبا في أواخر فبراير جانا وباء عالمي أكتسح العالم كله عيّشنا في خوف فظيع ، خوف على أهلنا وخوف على نفسنا وخوف على الناس الي نحبهم ، منّنا الي خسر أحد من أفراد أسرته الله يرحم موتانا وموتى المسلمين يارب وأنا أتمنى إنها تكون آخر الأحزان يارب و مننا من خسر وظيفته بسبب إنهيار الإقتصاد.

Read more | قراءة المــَزيد

5 comments COFFEE TALK

THE BODY SHOP MASKS | ماسكات البشرة من ذا بودي شوب

  بسم الله الرحمن الرحيم  

كيف حالكم بنات إيش عاملين😃 ؟؟ أنا جدًا متحمسة على التدوينات الجديدة إلي حأكتبلكم هي قريب🤩 وكمان جدًا متحمسة على تدوينة اليوم الي حتكون خفيفة إن شاءالله وهي عن ماسكات ذا بودي شوب💁🏻‍♀️ حأتكم في هادي التدوينة عن وظيفة كل ماسك وإيش يعمل للبشرة فبدون ما أطوّل عليكم يلا نبدأ ..

Read more | قراءة المــَزيد

2 comments CARE PRODUCT

JACLYN COSMETICS DRAMA | مشكلة أرواج جاكلين كوزماتيكس

  بسم الله الرحمن الرحيم  

السلام عليكم بنات كيف حالكم حبيباتي وحشتوني قد البحر🥰💗 سنة 2019 من السنين الي حصلتلي فيها كثير أحداث مصيرية في حياتي وكانت في النازل والطالع مافي وسط 😓 لكن الحمدلله على كل حال وأنا بأحاول قد ما أقدر إني أخلي باقي السنة بم إنو الآن راح النص وباقيلنا النص الثاني أبغا دي السنة تكون حلوة وغير إن شاءالله ربي🤩 يكون كاتبلي باقية السنة خير عليا وعليكم يارب ...

بعيدًا عن الأحداث الّي سارت معايا .. سنة 2019 مليانة بالدراما والمشاكل بالذات في اليوتيوب😳 أنا دايما ما أحب أتكلم في الحاجات السلبية الي بتسير في الدنيا عموما وأحب إنو مدونتي تكون مكان إيجابي ومحفّز للجميع بس من جد ما أقدر أتجاهل مشكلة براند أو ماركة اليوتيوبر جاكلين المعروفة بجاكلين هيل سابقًا ليش 👆🏽؟؟ علشاني ما أبغا يسير فيكم زي الي سار مع الناس ولا تجرّبوا من الماركة الا بعد ما تتزبط كل المشاكل الي حاصلة مع البراند😶 فخلينا ندخل في الموضوع وأقلكم كل الي حاصل مع جاكلين كوزماتيكس ...

Read more | قراءة المــَزيد

2 comments Makeup