بسم الله الرحمن الرحيم
السلام عليكم حبايبي طولَت غيبتي أنا عارفة بس من جد النوم و نظامي كلو ملخبط مع رمضان والعيد بس إن شاء الله اليوم أنا جياكم بتدوينة مراجعة فاونديشن جورجيو أرماني لوميناس سيلك فيلا حبايبي نبدأ ..
أبغا أقلكم عن قصتي مع هذا الفاونديشن وإيش الشي الي ياريت ما أتسرعت فيه لمن أشتريت الفاونديشن ، يوم ما أشتريتو كنت رايحة سيفورا ولمن كنت بتفرج على ستاند جورجيو أرماني كانت البنت الي تشتغل هناك بتكلمني عنو وأنا أصلا عارفتو من زمان ... فسارت بعد كدة تعملي سواتشات وأنا مع اضاءة المحل والاستعجال أخترت الدرجة الغلط مع الأسف ، من جد بنات لمن تروحوا تشتروا أي منتج لا تشتروا وخلاص أنتبهوا من كل شي قوام المنتج ، الدرجة ، السعر وغيرو من قبل ما تشتروا .
زي ما إنتو شايفين طبعا الدرجة الي أشتريتها جدا جيا على أورانج ودا الشي الوحيد الي ما خلاني أستمتع بجماااال الفاوديشن الدرجة هادي كانت رقم 8.5 .
طريقتي في تفتيح الفاونديشن اني جبت فاونديشن ثاني من الدرق ستور ترو ماتش من لوريال نفس درجتي بالضبط و تقريبا نفس قوام جورجيو أرماني الدّوِي وأفتح منو أكيد ، خلطتهم مع بعض فأدوني البيرفكت شيد لبشرتي بدون ما تتغير تركيبة فاونديشن جورجيو ارماني .
مررررة حبيتهم مع بعض لكن طبعا أكيد أنا جربت جورجيو أرماني لحال علشان أعطيكم المراجعة بكل صدق أكيد . عموما لو تبغو تفتّحوا أي فاونديشن أخلطوا معاه فاونديشن ثاني يكون تقريبا نفس القوام وتكون درجتو أفتح من الفاونديشن الغامق يعني لو الفاونديشن الاول مات أو مطفي أخلطي معاه فاونديشن نفس القوام مطفي ولو كان الأول دوي أو فيلو لمعة جيبي فاونديشن ثاني دُوِي أخلطيه معاه ، وبالنسبة لي اللون لازم يكون أفتح من درجة الفاوديشن الأول لو كانت طبعا درجة الأول غامقة .
لو كانت درجة الفاونديشن الاول فاتحة أخلطو معاه فاونديشن غامق دي المعلومة لو عرفتوها وفهمتوها تمام حتقدروا تتعاملوا مع اي فانوديشن عندو مشكلة في اللوناو الدرجة ... إن شاءالله ما أكون لخبطتكم في الشرح ههههه .
مررررة حبيتهم مع بعض لكن طبعا أكيد أنا جربت جورجيو أرماني لحال علشان أعطيكم المراجعة بكل صدق أكيد . عموما لو تبغو تفتّحوا أي فاونديشن أخلطوا معاه فاونديشن ثاني يكون تقريبا نفس القوام وتكون درجتو أفتح من الفاونديشن الغامق يعني لو الفاونديشن الاول مات أو مطفي أخلطي معاه فاونديشن نفس القوام مطفي ولو كان الأول دوي أو فيلو لمعة جيبي فاونديشن ثاني دُوِي أخلطيه معاه ، وبالنسبة لي اللون لازم يكون أفتح من درجة الفاوديشن الأول لو كانت طبعا درجة الأول غامقة .
لو كانت درجة الفاونديشن الاول فاتحة أخلطو معاه فاونديشن غامق دي المعلومة لو عرفتوها وفهمتوها تمام حتقدروا تتعاملوا مع اي فانوديشن عندو مشكلة في اللوناو الدرجة ... إن شاءالله ما أكون لخبطتكم في الشرح ههههه .
ودا لون الفاونديشن بعد ما فتّحتو بالترو ماتش .
رأيي بفاونديشن جورجيو أرماني بدون ترو ماتش :
الفورميلا أو تركيبة الفاوديشن مرررة عجبتني مع إنو كانت الدرجة غامقة لكن من جد ملمسو عالبشرة حلو يعني تغطيتو ميديوم ما أقدر أقول لايت ولا أقدر أقول فل هوا ما بين الإتنين ، ما تحسوه عالبشرة أبدا مهما زودتي طبقات ما يبان ثقيل أبدا ... وطبعا الفاونديشن ممكن تستخدميه للصباح كتغطية وحدة خفيفة وممكن تستخدميه للسهرات والخرجات كطبقة فُل .
الشي الي حبيتو فيه إنو من جد يخلي البشرة تتنفس انا كنت خايفة منو لإنو أنا بشرتي مختلطة مايلة للأويلي او الدهنية والفاونديشن دوي يعني فيلو لمعة صحية مهو مطفي فكنت خايفة لا يخلي وجهي مدهن لكن الي لا حظتو إنو أول ما حطيت الفاونديشن يبان دوي بزيادة لكن أول ما كملت المكياج كامل وعملت setting للفاونديشن بلوس باودر رح يبان فلوليس وحلو ورح تقل لمعتو وحيطلع الميك أب بيرفيكت .
أنا أفتكر إني أستخدمتو في أيام العيد كنت أحط مكياجي من الساعة ٤ العصر للساعة ١٠-١٢ الليل وكان لسة الفاوديشن موجود ممكن شوية يبدأ يختفي جهة الخدود شوية لكن عموما كان الفاونديشن موجود ، بدأ معايا يسير أويلي على آخر اليوم على مناطق التي زون الي هيا الجبهة ، والأنف بس ما كانت الدهون كتيرة أو شي فظيع يعني عادي وأنا كنت متوقعة دا الشي يسير على آخر اليوم لانو بشرتي دهنية والفاونديشن دوي مهو مطفي .
عموما أنا احب الفاونديشنات الي ما تبين بشرتي ناشفة أحب الفاونديشن يخلي بشرتي تتنفس ويكون بِلدابل يعني أقدر أتحكم في تغطيتو عشان أستخدمو دايما في كل الأوقات .
انا اشوف إنو الفاونديشن يناسب كل البشرات ما ندمت عليه أبدا وأكيد رح أرجع أشتري الدرجة الي تناسب بشرتي لإنو الشي الي ما خلاني أحللو كويس الدرجة كانت غامقة سعرو كان ٢٥٠ ريال من سيفورا .
***********************
وبس حبيباتي أتمنى تكون التدوينة عجبتكم قولولي تحت في الكومنت إذا جربتوا الفاوديشن ؟؟؟ وإيش رايكم فيه ؟؟؟ وإذا لقيتو بديل درق ستور أرخص ؟؟ شكرا حبيباتي عالقراءة
أشوفكم في تدوينة جديدة ومع السلامة .
الشي الي حبيتو فيه إنو من جد يخلي البشرة تتنفس انا كنت خايفة منو لإنو أنا بشرتي مختلطة مايلة للأويلي او الدهنية والفاونديشن دوي يعني فيلو لمعة صحية مهو مطفي فكنت خايفة لا يخلي وجهي مدهن لكن الي لا حظتو إنو أول ما حطيت الفاونديشن يبان دوي بزيادة لكن أول ما كملت المكياج كامل وعملت setting للفاونديشن بلوس باودر رح يبان فلوليس وحلو ورح تقل لمعتو وحيطلع الميك أب بيرفيكت .
أنا أفتكر إني أستخدمتو في أيام العيد كنت أحط مكياجي من الساعة ٤ العصر للساعة ١٠-١٢ الليل وكان لسة الفاوديشن موجود ممكن شوية يبدأ يختفي جهة الخدود شوية لكن عموما كان الفاونديشن موجود ، بدأ معايا يسير أويلي على آخر اليوم على مناطق التي زون الي هيا الجبهة ، والأنف بس ما كانت الدهون كتيرة أو شي فظيع يعني عادي وأنا كنت متوقعة دا الشي يسير على آخر اليوم لانو بشرتي دهنية والفاونديشن دوي مهو مطفي .
عموما أنا احب الفاونديشنات الي ما تبين بشرتي ناشفة أحب الفاونديشن يخلي بشرتي تتنفس ويكون بِلدابل يعني أقدر أتحكم في تغطيتو عشان أستخدمو دايما في كل الأوقات .
انا اشوف إنو الفاونديشن يناسب كل البشرات ما ندمت عليه أبدا وأكيد رح أرجع أشتري الدرجة الي تناسب بشرتي لإنو الشي الي ما خلاني أحللو كويس الدرجة كانت غامقة سعرو كان ٢٥٠ ريال من سيفورا .
***********************
وبس حبيباتي أتمنى تكون التدوينة عجبتكم قولولي تحت في الكومنت إذا جربتوا الفاوديشن ؟؟؟ وإيش رايكم فيه ؟؟؟ وإذا لقيتو بديل درق ستور أرخص ؟؟ شكرا حبيباتي عالقراءة
أشوفكم في تدوينة جديدة ومع السلامة .
0 التعليقات:
إرسال تعليق