بسم الله الرحمن الرحيم
كيفكم و كيف الدوامات و الدراسة معاكم إن شاءالله تكون بداية سنة جميلة علينا يارب ، وحشتووووني اليوم أنا جيّاكم بتدوينة كانت المفروض تنزل في الإجازة لكن ماقدرت أنزلها بسبب ظروف سارتلي ، فاليوم إن شاءالله تدوينتنا حتتكلم عن يوم في حياتي و هادا اليوم كان بالضبط يوم الإثنين ٢٦ القعدة ١٤٣٧ مرة متحمسة إني أعملكم هادي السلسلة من التدوينات عشان تدخلوا أكتر في حياتي و تعرفوني أكثر فخلونا نبدأ ..
صبااااااح الخير ههههههه :) طيب أيام الإجازة دايمًا كنت أصحى من الصباح بدري هنا صحيت من الساعة ٩ الصبح ، السرير كان مكركب و طبعا الي يعرفني كويس يعرف قدّ إيش أكره أسوي سريري ههههه بس أول ما صحيت سويت سريري لإنو باعوّد نفسي أسويه أول ما أصحى من النوم ، و فتحت السّتارة عشان لاااااازم يدخل نور الشمس لغرفتي ما أحب اللمبات مع إنو نور الشمس مو قوي في
غرفتي .
بعد كدة أكيد أروح أفرّش أسناني و أغسل وجهي بغسولي إلي أحبو جدا من قارنيه ، وبعد كدة أرطب وجهي بكريم النهار فيتامين e من ذا بودي شوب أنا ما أستخدم منتجات كتير لوجهي لإنو بشرة وجهي دهنية و في نفس الوقت مرة حساسة ، المنتجات الكتير تهيّج بشرتي فدايما أحاول ما أكتّر منتجات على وجهي .
في الأيام العادية زي هادا اليوم غالبًا أكون في البيت فما أحط ميك أب و أصلا أنا فين و فين لمّن أحط مكياج صح إنّي بيوتي بلوقر لكن ما أحط ميك أب في البيت أبدًا ، أحب ألعب بالميك أب مع نفسي و بعد كدة أمسحو لكن إني أجلس في البيت بميك أب ما أحب أحس نفسي مني مرتاحة وإنو وجهي مع الميك اب حيطلع حبوب ههههه :) لو جيت أخرج ممكن أحط ميك أب خفيف زي الجامعة أو أحيانا السوق شي مرة بسيط ... أما الميك أب الثقيل للعزايم ، نرجع لموضوعنا رطّبت وجهي وبعد كدة رفعت شعري كعكة هههههههه أو خليتو منكوش ههههه .
من الأشياء الي باحاول أشتغل عليها هادي الفترة إنّي أكتب الأشياء الي أبغا أسويها في يومي مع إني غالبًا ما أعمل كل المهام المكتوبة في الورقة لكن هادا اليوم بالتحديد عملت أغلب الأشياء المكتوبة الا حاجتين أو ٣ :) بس يعني كنت فخورة إني خلّصت أغلب الأشياء الي كنت أبغاها تتعمل .
ما حبيت فكرة البلانر كتير مع إني أحب أشوف الناس الي يستخدمو بلانرز عاليوتيوب وينظّمو نفسهم ، لكن أنا حسيت نفسي أحب أكتب مهامي في ورقة عادية كل يوم بيومو وخلاص ما فيا كل يوم أفتح البلانر ههههه .
بعد كدة كانت الساعة تقريبا ١١ الصبح خرجت من الغرفة و جلست مع ماما نتكلم و نفطر مع بعض ، أنا غالبا ما أفطر عارفة دا الشي مو كويس بس ما اعرف دايما الاقي الوقت يمشي و أنا لسة مافطرت مع إنّي أصحى من بدري ... المهم شربت قهوة و أكلت كيكة غير صحية أبدًا و كنت ندمانه إني أكلتها ما كنت أفكر إنو الكالوريز فيها كتير لكن لمن قريت القيم الغذائية الي فيها من ورا لقيتها كلها دهون فأكلت نصّها و خلاص لإنو الّي يتابعني في السناب شات يعرف إنو أنا سرلي شهرين مغيرة نمط حياتي وإن شاءالله أحافظ على هادا الشي مع إنو صعب أحيانًا بس لازم حتى لو خبصنا نرجع تاني لنظامنا :)
بعد الفطور عادةً أجلس عالسوشيال ميديا تويتر ، إنستقرام ، سناب شات أرد عليكم أنزلكم بوستات جديدة غالبًا أجلس إلين الساعة ٢ الظهر مرة أحب أتكلم معاكم عن طريق السوشيال ميديا أحسّكم صحباتي وأخواتي ... :)
بعد الفطور عادةً أجلس عالسوشيال ميديا تويتر ، إنستقرام ، سناب شات أرد عليكم أنزلكم بوستات جديدة غالبًا أجلس إلين الساعة ٢ الظهر مرة أحب أتكلم معاكم عن طريق السوشيال ميديا أحسّكم صحباتي وأخواتي ... :)
على الساعة ٢:٣٠ كان وقت الغدا و بم إنّي كنت آكل صحي عملت برقر في البيت صحي ليّا أنا و أخوية غالبًا كان هادا هوا غدانا طول فترة الإجازة ، لكن أول ما بدأت الدراسة نظامي خرب مع الاسف لازم أرجع تاني أقوى من أول ... المهم أكلت و بعد كدة جلست أتفرج يوتيوب من جد مرررررة مدمنة يوتيوب هوا التلفزيون حقي :)
بعد كدة على الساعة ٥:٣٠ العصر خرجت علشان كنت أبغا أروح السوق أشتري بعض الأشياء الّي ناقصاني ، أول ما وصلت السوق كان وقتها صلاة المغرب فكانت الأماكن مقفّلة المهم من الأشياء الي كنت أبغاها شنطة للجامعة بس حقيقي لمن رحت ما كان في شي في بالي يعني شكل معين ، لون معين ولا شي رحت علشان أبغا شنطة عالظّهر وبس أنا غالبا في الجامعة ما أشيل الشّنط الي عالظّهر لكن الصراحة كتفي سار يوجعني فكنت أحتاج شنطة عالظّهر .
أول ما خلّصت الصلاة دوّرت محل محل ما لقيت شي حلو و كل الشنط غالية عالفاضي يعني الشنطة ما تكون تستحق هادا المبلغ الاقيها غالية عالفاضي المهم بعد الإحباط قلت خلاص بم إنو مالقيت لازم أروح سيفورا أصرف الفلوس هههههه مستحيل أخرج من السوق فاضية ، فرحت سيفورا أشتريت أشياء بسيطة .
بعد كدة على الساعة ٥:٣٠ العصر خرجت علشان كنت أبغا أروح السوق أشتري بعض الأشياء الّي ناقصاني ، أول ما وصلت السوق كان وقتها صلاة المغرب فكانت الأماكن مقفّلة المهم من الأشياء الي كنت أبغاها شنطة للجامعة بس حقيقي لمن رحت ما كان في شي في بالي يعني شكل معين ، لون معين ولا شي رحت علشان أبغا شنطة عالظّهر وبس أنا غالبا في الجامعة ما أشيل الشّنط الي عالظّهر لكن الصراحة كتفي سار يوجعني فكنت أحتاج شنطة عالظّهر .
أول ما خلّصت الصلاة دوّرت محل محل ما لقيت شي حلو و كل الشنط غالية عالفاضي يعني الشنطة ما تكون تستحق هادا المبلغ الاقيها غالية عالفاضي المهم بعد الإحباط قلت خلاص بم إنو مالقيت لازم أروح سيفورا أصرف الفلوس هههههه مستحيل أخرج من السوق فاضية ، فرحت سيفورا أشتريت أشياء بسيطة .
و أنا رايحة في طريقي للبوّابة الي تخرّجني من السوق وأنا زعلانة و محبطة هههه إنو مالقيت شنطة ، طالعت يميني لقيت محل vans الي شدّني في المحل الديكور البرّاني كل الديكور كان ماريو من جد وقتها زي المغناطيس شدّني و دخلت المحل أول ما دخلت شفت أنواااااع الكياتة شنط ماريو و جزم ماريو ههههههه
أتجننت وقتها ولو كان بيدي كان أشتريت كل شنط نينتيندو الي عندهم المهم نقّيت وحدة من الشنط وأشتريتها هههههه مرة أنبسطت إنو أخيرا لقيت الشي إلي أبغاه الحمدلله بس ما صرفت كل الفلوس في سيفورا ههههه .
طبعًا ما أقلّكم قد إيش كنت مبسوطة لمن خرجت من السوق كانت الساعة تقريبا ٨:٠٠ العشا و كانت الشوارع الحمدلله رايقة مافي زحمة ، طبعا وقتها و أنا في السيارة كنت بافكر في التدوينة كيف حتكون ههههههه .
أتجننت وقتها ولو كان بيدي كان أشتريت كل شنط نينتيندو الي عندهم المهم نقّيت وحدة من الشنط وأشتريتها هههههه مرة أنبسطت إنو أخيرا لقيت الشي إلي أبغاه الحمدلله بس ما صرفت كل الفلوس في سيفورا ههههه .
طبعًا ما أقلّكم قد إيش كنت مبسوطة لمن خرجت من السوق كانت الساعة تقريبا ٨:٠٠ العشا و كانت الشوارع الحمدلله رايقة مافي زحمة ، طبعا وقتها و أنا في السيارة كنت بافكر في التدوينة كيف حتكون ههههههه .
أول ما وصلت البيت رحت طوّالي وصورتلّكم الأشياء الي أشتريتها ، أشتريت بلشر مع كونتور وهايلايتر من سيفورا لإنو كنت محتاجة بلشر فلمّن لقيت ٣ في واحد قلت ليش لا زيادة الخير خيرين فأشتريتو على كلام البنت الي كانت في سيفورا و أشتريت آي لاينر من كات فون دي ووتر بروف (ضد الموية) هادا بالنسبة لمشترياتي من سيفورا .
وطبعا ما ننسى شنطة ماريو هههههههه صح إني في الجامعة بس ترا مستحيل أكبر على ماريو منجد كمية الكياتة الي في المحل لا تقااااااوم هههههه محبين ماريو إيش رايكم بس :) ؟؟؟؟؟
وطبعا ما ننسى شنطة ماريو هههههههه صح إني في الجامعة بس ترا مستحيل أكبر على ماريو منجد كمية الكياتة الي في المحل لا تقااااااوم هههههه محبين ماريو إيش رايكم بس :) ؟؟؟؟؟
بعد كدة نقلت صور للإنستقرام صورتلكم هيا من الكاميرا لي الّلابتوب ، و طبعا بعد كدة قفّلت الأنوار و فتحت اليوتيوب و فيلم أو مسلسل و بعدين على الساعة ١ الفجر نمت ........ 3>
************
و بس حبايبي أتمنى تكون التدوينة عجبتكم و خفيفة عليكم و إن شاءالله قريب رح أصوّرلكم يوم في حياتي بس للجامعة ... مرة أحبكم رح أنزلكم تدوينات كتير الفترة الجيا قولولي طلباتكم لو تبغو تدوينة معينة و أكيد لا تحرموني من الكومينت تحت هادي التدوينة أحببببكم أشوفكم في تدوينة جديدة و مع السلامة .
************
و بس حبايبي أتمنى تكون التدوينة عجبتكم و خفيفة عليكم و إن شاءالله قريب رح أصوّرلكم يوم في حياتي بس للجامعة ... مرة أحبكم رح أنزلكم تدوينات كتير الفترة الجيا قولولي طلباتكم لو تبغو تدوينة معينة و أكيد لا تحرموني من الكومينت تحت هادي التدوينة أحببببكم أشوفكم في تدوينة جديدة و مع السلامة .
تدوينة جميلة مثل جمال روحك
ردحذفهاجر انتي قمر والله
حذفحبيبتي الله يسعدك يارب ...💜