بسم الله الرحمن الرحيم
طيب اليوم جيتكم حبايبي بتدوينة خفيفة وإن شاءالله تعجبكم حتكون عن منتجين من جد مرررة أحبهم وهما زيت الشعر من لوريال وكريم اليد من ذا بودي شوب فيلا نبدأ 3>
L'OREAL ELVIVE OIL
هادا الزيت جدا جميل أنا كيف أستخدمو آحط منو مرررة شوية ضغطة خفيفة مرة لمن أحس إنو شعري ناشف أو بعد الإستشوار يدي لمعة حلللوة لشعري يرطب الشعر ويحميه من الرطوبة كمان أحيانًا أحط منو في أطراف شعري علشان يغذي الأطراف بس أبدًا ما تتوقعوا منو إنو يغذي الشعر زي الزيوت الي تحوطوها المفروض كل ٣ أيام زي زيت جوز الهند وزيت اللوز وكدة هادا بس يرطب الشعر وممكن يغذي الأطراف لكن طبعا لازم تغذي شعرك بزيوت وفيتامينات وتستخدمي هادا كحماية من حرارة الإستشوار مثلا ؛ سرلي سنة بأستخدمو وما خلصت منو الا يمكن أقل من الربع لإنو أبدًا ما يحتاج تحطوا كتير ضغطة صغيرة تكفي لإنو لو زودتوا ممكن الشعر يزيت كمان أنا ما أستخدموا إلا لمن يكون شعري ناشف مو وهوا مبلول ؛ أكيد حأرجع أشتريه تاني وكل ما يخلص حأشتريه لإنو رهيب .
THE BODY SHOP HAND CREAM
نجي لكريم اليد من ذا بودي شوب طبعا هوا في أنواع هادا بالفراولة عندي منو كمان بالشيا والمورينجا وكلهم رهيبين الي يعجبني فيهم إنهم يرطبوا لكن أبدا ما يزيتوا اليد علطول البشرة تمتص الكريم وتسير اليد مترطبة لكن بدون ما تزيت عجبني الباكيجينق حق الكريم لكن مشكلتو لو حطيتيه في الشنطة واتفغّص أو أتفعّص جوة الشنطة ممكن يتفقع ويسرب لبرة فأنتبهوا أنا ماسارت معايا لإني ما أشيلو معايا برة البيت لكن في ناس كتير قالوا إنو سارت معاهم لمن حطوه في الشنطة لكن غير كدة أكيد حأشتريه وأصلا كفاية ترطيبو جدا جميل 3>
وبكدة حبايبي نكون وصلنا لآخر التدوينة لاتنسوا تدوني آرائكم تحت في الكومنت أو في السوشيال ميديا وأشوفكم إنشاءالله في تدوينة جديدة .... ومع السلامة .
معلومات رائعة ومفيدة زبدة الشيا معروفة بترطيب الجلد بعمق هذا ما تحتاجه البشرة خاصة في فصل الشتاء، شكرا لك
ردحذفقد يفيدكم هذا الموضوع أيضًا كريم يوسيرين للتصبغات هل يفتح؟
كريم يوسيرين للتصبغات هل يفتح
ردحذف