بسم الله الرحمن الرحيم
كيفكم يا أحلى ناس في العالم !!! اليوم حابة أجيكم بموضوع من زمان كنت ناوية أكتب عنو في تدوينة لحالها و هيا عن
الهايلايتر الي من بنيفيت سن بييم و هاي بييم وطبعا إنتو عارفين قد إيش أنا أحب بنيفيت لإنها من أول الماركات الهاي أند الي أشتريت منها في بدايتي للميك أب ... طبعا رأيي حيكون بكل مصداقية زي ما إنتو عارفينني فيلا حبايبي نبدأ : /
Sun Beam vs High Beam
الإتنين جدا جميلين لكن طبعا ممكن ما يكونو زي أي هايلايتر في بالكم !!! حأوصفلكم كل واحد منهم لحال لكن بصورة عامة أنا أحبهم الإتنين والإتنين أستخدمهم .
High Beam
سواءً كان هاي بييم أو سن بييم كلهم قوامهم سائل بس مو السائل الي مرة زي الموية لا سائل بس تقيل شوية وزي ما إنتو شايفين شكلو زي المناكير و لهم فرشة زي المناكير بالضبط
طيب هاي بييم لونو على بنك أنا بالنسبالي مو دايما أحب أحطو لإنو انا بشرتي حنطية لمن أحط هايلايتر بنك يطلع زي كإني حاطة بقعة على وجهي فضية على بنك علشان كدة ما أحطو إلا لمن أتأكد إنو مدموج مرة كويس لكن مع كدة أحبو وطبعا لازم تحطو في بالكم إنو من الهايلايتر الخفيفين يدي لمعة خفيفة مو تقيل زي الهايلايتر البودرة حقت ماك مثلا هادا خفيف ينفع للبشرات البيضة والحنطية الفاتحة .
Sun Beam
نجي لسن بييم هادا الهايلايتر لونو ذهبي فينفع مرررة للبشرات الحنطية الميديام و للبشرات الغامقة وللتان كمان يطلع فظيع
مرة أحبو للصباح لو رايحة الجامعة يدي لمعة خفيفة جميلة
الإتنين جبتهم الحجم الميني من أمازون فيه الحجم الكبير منهم الإتنين في بنيفيت في سيفورا أو وجوه لازم قبل ما تشتروا زي واحد منهم تجربوهم عشان تعرفوا مين فيهم أحلى عليكم أنا أحبهم الإتنين لكن لو أشتريت مرة تانية حأشتري سن بييم أكيد لإنو ناسب بشرتي أكتر .
وبكدة تكون خلصت التدوينة أتمنى إنكم تكونوا أستفدتوا ولو شوية الي جربت أي واحد منهم تديني رأيها فيهم وتقلي تجربتها أشوفكم حبايبي في تدوينة جديدة ومع السلامة .
الإتنين جدا جميلين لكن طبعا ممكن ما يكونو زي أي هايلايتر في بالكم !!! حأوصفلكم كل واحد منهم لحال لكن بصورة عامة أنا أحبهم الإتنين والإتنين أستخدمهم .
High Beam
سواءً كان هاي بييم أو سن بييم كلهم قوامهم سائل بس مو السائل الي مرة زي الموية لا سائل بس تقيل شوية وزي ما إنتو شايفين شكلو زي المناكير و لهم فرشة زي المناكير بالضبط
طيب هاي بييم لونو على بنك أنا بالنسبالي مو دايما أحب أحطو لإنو انا بشرتي حنطية لمن أحط هايلايتر بنك يطلع زي كإني حاطة بقعة على وجهي فضية على بنك علشان كدة ما أحطو إلا لمن أتأكد إنو مدموج مرة كويس لكن مع كدة أحبو وطبعا لازم تحطو في بالكم إنو من الهايلايتر الخفيفين يدي لمعة خفيفة مو تقيل زي الهايلايتر البودرة حقت ماك مثلا هادا خفيف ينفع للبشرات البيضة والحنطية الفاتحة .
Sun Beam
نجي لسن بييم هادا الهايلايتر لونو ذهبي فينفع مرررة للبشرات الحنطية الميديام و للبشرات الغامقة وللتان كمان يطلع فظيع
مرة أحبو للصباح لو رايحة الجامعة يدي لمعة خفيفة جميلة
الإتنين جبتهم الحجم الميني من أمازون فيه الحجم الكبير منهم الإتنين في بنيفيت في سيفورا أو وجوه لازم قبل ما تشتروا زي واحد منهم تجربوهم عشان تعرفوا مين فيهم أحلى عليكم أنا أحبهم الإتنين لكن لو أشتريت مرة تانية حأشتري سن بييم أكيد لإنو ناسب بشرتي أكتر .
وبكدة تكون خلصت التدوينة أتمنى إنكم تكونوا أستفدتوا ولو شوية الي جربت أي واحد منهم تديني رأيها فيهم وتقلي تجربتها أشوفكم حبايبي في تدوينة جديدة ومع السلامة .
0 التعليقات:
إرسال تعليق