بسم الله الرحمن الرحيم
كيف حالكم يا أحلى بنات إيش أخباركم وحشتوني قد البحر💗 !! كيف الإختبارات إن شاء الله ربي يوفقكم يارب وكلكم تجيبوا علامات تسعدكم وأنا كل يوم أدعيلكم الله يوفقكم يارب ولا يضيعلكم تعب أساسا خلاص ما بقي الا يومين وتخلصوا 😆💗... التدوينة مستنياكم لبعد الإختبارات روحوا ذاكروا وتعالو شيكوا عليها أول ما تخلصوا ..
والي زيي خلص دراسة ف يلا اليوم أنا جيتكم بريفيو عن واحد من الكوليكشنز اليميتيد إيديشن 🙏🏼😉 لماركة جيفري كوزماتيكس بالتعاون مع اليوتيوبر Manny Mua .. هادا الكوليكشن نزل بداية السنة الي فاتت ٢٠١٧ قبل الدراما الي سارت بين جيفري وماني فبغض النظر عن الدراما رح أعملكم إن شاء الله ريفيو عن الكوليكشن بدون أي تحيز وبكل صراحة فيلا نبدأ🌸
الكوليكشن أشتريته من موقع بيوتي لش على هيئة بونديل او باكيج واحد🍁💙 يتضمن كل المنتجات وكان سعر كل الكوليكشين مع بعض ٥٠ دولار يعني ١٨٨ ريال سعودي بم إنو ليميتيد ايديشن فممكن بأي لحظة يختفي من بيوتي لش🌸 لكن حاليا موجود في الموقع ... الكوليكشين عبارة عن روجين ليكويد ليبستيك وواحد هايلايتر أنا أشوف إنو سعر الكوليكشن جدًا جميل
Velour Liquid Lipstick in I’m Shook limited edition
درجة I'M SHOOK من الدرجات الغريبة عندي .... 🌸 اللون أحمر ومو أحمر يعني أحسه أحمر داخله أورانج وبينك شوية ... يشبه اللون كريستين من كايلي كوزماتيكس ... إن شاء الله حأتكلم بالتفصيل عن ماركة جيفري كوزماتيكس ومنتجاتهم في تدوينة لحالها ممكن حأنزلها على بداية السنة لكن عموما ... أرواج جيفري ستار المطفية جدا مررررييييحة😎💙 ما تنشف الشفايف طبعا اكيد حتلاقوا في درجات رهيبة ودرجات نص نص يعني مافي ماركة خاليه من العيوب ولكن تقريبا 90٪ من أرواج جيفري تجنن مريحة وماتنشف الشفايف🙏🏼 ، تجلس فترة طويلة من جد سرت ما أستخدم أرواج مطفية من أي ماركة الا هو🔥 .. الدرجة هادي جميييلة صح ما أحطها كثير ولكن الدرجة جمييييلة باذات اذا تحبي الألوان الي على أحمر حتعجبك .. كمان هادا اللون يجي جميل على كل البشرات وينفع للإستعمل اليومي مرررة جميل ومختلف😉 .
Velour Liquid Lipstick in Daddy limited edition
نجي عاللون الثاني في الكوليكشن اسمه Daddy🍁 الدرجة هادي أحس لو إنتي بشرتك غامقة حتحتاجي معاه محدد أغمق لإنو حيكون فاتح بدون محدد .. أنا بشرتي حنطية ميديوم وبصراااحة مرة أحبه مع محدد غامق شوية .. الدرجة عبارة عن لون بني بارد شوية مايل على رمادي مرررة حبيت هادي الدرجة😆 ... ولكن حسيت إنو اللون ينتقل شوية وثباته مقارنة بالباقية حلو بس أقل منهم بشوية .. أرواج جيفري ستار بشكل عام ليست ١٠٠٪ Transfer proof البعض منهم أبدا ما ينتقلوا👏🏼😘 والبعض ينتقل بشكل خفيف مثل Daddy وزي ما قلت الثبات طويل لأغلب أرواج جيفري ... هادا اللون ينفع للإستخدام اليومي
لإنو الدرجة عملية جدًا.
Swatches
Skin Frost Highlighter In Eclipse
طيب نجي لآخر شي في الكوليكشن الهايلايت❄️ .. لمن تجو تشتروا الكوليكشن إما تختاروا هادا الهايلايت الي إسمه
Eclipse أو تختاروا هايلايت تاني أنا شخصيا ما جربته إسمه Uranus .
طيب خلونا دحين في الهايلايت الي أنا أخترته Eclipse ... بصراحة ما حبيته كثير😩 لسة حأجربه زيادة ولكن مبدئيا ما عجبتني تركيبته أبدا غير عن باقية ال skin frost التانيين .. هادا الهايلايت بالتحديد كان زي الطباشير🥺
يتكتل ومررة باوداري مهو ناعم ولاهو كريمي 😓.. ما عجبني بس للأمانة حأجربه زيادة وحأتكلم عنه بالتفصيل
في تدوينة لحالها .. لون الهايلايت خوخي على فضي ثلجي اللون غريب ما أحس هادا اللون يطلع حلو عالبشرات الغامقة والميديوم لإنو حيبين زي الشادو الأبيض في الخدود يعني حيكون فاتح مررة ما يعجبني هادا
اللوك كمان بنات حسيته يتكتل🤐 على الحبوب الصغيرة او أي عيوب في بشرتي علطول يتكتل عليها وما يندمج مزبوط ولا ينفع تحطي أكثر من طبقة 😳 لإنو حيتكتل زيادة عموما حأجربه كمان وأقلكم رايي النهائي عنه .
Swatches
وهادا حبيباتي كان رايي في كل شي أتمنى يا حبايبي تكون عجبتكم التدوينة💗🌸 وان شاء الله السنة الجية حتكون
فيها تدوينات أكثر وحأكون فيها أنشط 😆 من دحين أحبكم وإن شاء الله أشوفكم في تدوينة 😆🌸جديدة أحبكم والله يوفقكم يارب يا أحلى بنات
ريفيو جميل .. بالنسبة للهايلات جربي هايلات ديور باك ستيج يفووووووووز يعطيك لمعة حلوة كبشرة صحية وما تحسي انك حاطة بودرة
ردحذف