بسم الله الرحمن الرحيم
كيف حالكم بنااات أخيييييرا الخريف جااااا مرة أحب فصل الخريف والشتاء 🍁🍂❄️⛄️ !! اليوم التدوينة مؤثرة بالنسبالي😩 لإني حأتكلم معاكم عن أول باليت هاي إند أشتريتها في حياتي وهي باليت أوربان ديكاي نيكيد أوريجينال ومع الأسف حيوقفو تصنيعها وماحتسير موجودة بعد الآن😞 .. التدوينة اليوم حتكون خفيفة فيلا حبايبي نبدأ😆..
زي ما قلتلكم فوق هادي الباليت كانت أول باليت أشتريتها في حياتي😍💗 قصتي معاها بدأت سنة ٢٠١٣ كنت دوبني داخلة الجامعة وكنت في السنة التحضيريه😆 وأفتكر إنو أول مكافئة ليا من الجامعة أشتريت منها هادي الباليت🙏🏼، كانت ديك الأيام ماركة أوربان ديكاي غير موجودة في سيفورا لسة .. فكانو التاجرات يوفروها بم إنو ديك الأيام ما كان عندي فيزا وما كنت أقدر أشتري بنفسي من برة😞.. فلقيت تاجرة جدا موثوقة وأشتريت منها الباليت حتى
ناسية بكم أشتريتها ههههه😆
ناسية بكم أشتريتها ههههه😆
الي فاكرتو اني كنت جدا مبسوطة بنات كييييف شهد تشتري باليت هاي إند وبفلوسها الخاصة 👏🏼 ماخليت أي أحد من أهلي يدفعلي وبدأت من داك اليوم أشوف يوتيوب فيديوز عن بيوتي قوروز أجانب يسوو لوكات بالباليت نفسها وكنت أجلس وأقلدهم بدأت حبة حبة كنت مرررة أحب ألوان الباليت لإنها ألوان طبيعية بنيات وبيجيات مع شوية غوامق على ميتاليك في نهاية الباليت ..
ما تتخيلو بنات قد إيش مجموعة باليتات نيكيد كانت عاملة ضجة وكانت عند كل الأجانب 💘 ونحنا بم إنو مهي عندنا ديك الفترة فكانو كل البلوقرز السعوديات الي كنت أتابعهم يجيبوها من تاجرات أو يشتروها من برة ويعملو عنها ريفيوهات كانت الهبة ديك الأيام😆💗.. أفتكر مع هادي الباليت كانت الهبة كمان أرواج ماك أو منتجات ماك عموما هههههه😍 والله الذكريات مررة حلوة من هناك بدأت أدخل في عالم المكياج وأتابع مدونات سعوديات وأتعلم وأجرب على نفسي كنت في البداية ما أعرف أضبط رسمة عيني يعني ما كنت أعرف كيف أحط الشادو وأخلي عيوني تكون حلوة بدأت أتعلم بهادي الباليت كيف 🙏🏼 وطبعا مرة على مرة مع الوقت سرت أفهم لعيني وأعرف كيف أخلي عيني تحلو بالشادو😉💘 .. فمنجد بنات لو تبغو تتعلمو اي شي مو لازم تكون عندكم باليتات أيشادو كثير أو فرش كثيرالعزيمة والإصرار هو أهم شي، أنا أيامها كان عندي فرشتين والله هي الي كنت أسوي بيها وأفتخر.. وللآن ما عندي الفرش الكثير بس عندي الأساس الي ممكن أعمل لوك به .. عندي قناعة إنو لو تبغو تتعلمو حتتعلمو حتى لو ماكانت عندكم المقومات الكثيرة لازم تقتنعو بنات بالي عندكم وإنو في رب معاكم شوفو فيديوهات ودحين السوشيال ميديا خلاكم تتعلمو في ثواني ..
ديك الأيام كان عندي فقط هادي الباليت وأتعلمت بيها ..
هادي سواتشات للألوان 🙏🏼😆
.
.
.
.
وأنا من هنا أقول لباليت نيكيد أوريجينال شكرا لكل الأيام الي قضيت فيها وقت حلو معاكي 😩💗 علمتيني أساسيات المكياج .. تعبتك معايا أنا عارفة🌸 ولكن إنتي كنتي دائما تساعديني بألوانك الحلوة وتركيبتك الخفيفة الي كانت تندمج بسرعة 😉💙 مرررة شكرا أكيد كل الي أشتراكي قبل ٥ سنين من الآن أول مانزلتي وأيام ماكنتي في أوج شهرتك وجمالك يعرف قد إيش إنتي شي جميل وذكرى جميلة حتفضل باقية للأبد في قلوبنا💘 بالنسبة ليا ما حأفرط رن شاءالله بهادي الباليت حاخليها كدة قادمي حتى لو ماسرت أستخدمها بعد كدة .. لازم أنزلكم لوك باستخدامها على الإنستقرام 😉
شكرا شكرا شكرا🙏🏼 على وجودك معايا في السراء والضراء انتي الأولى في قلبي وما الحب الا للحبيب الأولي الي هو إنتي ههههههههههه 😆 وداعا الى أحلى باليت ووداعا للباليت الي كانت نقطة انطلاقة ماركة اوربان ديكاي وشهرتها في قلوب الجميع .... شكرااااااااا😍 !!
انتو دحين قولولي قصتكم مع أول باليت أشتريتوها 😍💗 أبغا أعرف ؟؟؟ وإيش كانت أول باليت أشتريتوها ؟؟؟ مرررة متحمسة أسمع قصصكم وأكيد بنات حأرد عليكم جميعا في الكومنت 😎🍂
هنا كانت نهاية التدوينة حبيت فقط اني أودع هادي الباليت العظيمة توديع يليق بيها😆
والي مهتم ويبغاها يلحق عليها اونلاين ويدور عليها ما أعرف اذا حتلاقوها أو لا
أشوفكم حبيباتي إن شاء الله في البوست الجديد الي حينزل قريب🤩 ولاتنسوا تضيفوني في السوشيال ميديا
Instagram & Twitter : ThatBeautyAngel
انا مثلك عندي كانت هذه الباليت شريتها لم من محلات امريكا بابا وقتها كان مسافر وجابها لي هي والثانية نيكد ٢ مع بعض ..
ردحذف💘مرررة يا داليا أحبها أحسها ذكريااااات هههههه الله يسعدك ياقلبي وشكرا على وجودك دائما بمدونتي
حذف