مقابلتي مع المدوّنة داليا | MY INTERVIEW SERIES

  بسم الله الرحمن الرحيم  

كيفكم بنات ايش أخباركم ؟؟😍 أنا مرررة متحمسة لإنو التدوينة اليوم حتتكون تدوينة مقابلة بعد فترة طويلة من غيابي عن سلسلة المقابلات الي إنتو كنتو متعودين عليها كل شهر🌸

 ضيفتي اليوم إنسانة جمييييلة من جوا وبرّا إسمها داليا💘 عندها مدوّنة وعندها يوتيوب وسوشيال ميديا عرفتها من فترة بسيطة من خلال تدوينة لها وعلطول قلت داليا لااااازم أتواصل معاها وأقلها تكون ضيفتي لليوم في المقابلة😃 وعلطول ردّت عليا انها أكيد حتكون معايا أنا وقتها طِرت من الفرح لإنها إنسانة من جد ألهمتني بكومنتاتها الجميلة في مدونتي وبشغلها ونجاحاتها الي يارب تكبر وتكبر وأشوفك في أعلى المناصب😘💗 يا داليا .. إنتي من جد الفترة الي فاتت ساعدتيني كثير بكلماتك الحلوة خلينتيني أبغا أنجز وأسير قوية💪🏼 شكككككررررا ياقلبي 

أنا مبسوطة فيكي معايا اليوم وأتمنى الكل يتعرف عليكي ويعرف قد إيش إنتي إنسانة جميييلة بدون ما أطول عليكم 

خلونا نبدأ التدوينة وتتعرفوا على داليا ....😃

  بعيدا عن التدوين من تكون داليا ؟  

أكثر سؤال أحس صعب أجاوب عليه، مين أنا ... بس بحاول ...

معاكم داليا عمري ٣٢ سنة، متزوجة وعندي ولد إسمه يوسف 💗

أكاديميًا متخرجة من جامعة الملك عبد العزيز تخصص إدارة عامة ...

وعمليًا بديت أشتغل من عمر ١٩ سنة كجرافيك ديزاين السبب عشان أعرف شنو أتخصص بس في 

النهاية أستمريت وأتجهت لمجال ثاني وهو الكول سنتر وتطورت فيه لين وصلت لبوزيشن كبير😃 بعدها 

أستقلت لأني جبت يوسف وسويت البزنس الخاص فيني ... وقاعد يكبر قدامي حبة حبة ...

  قوليلي إيش قصتك وراء التدوين ؟  

التدوين بديت فيه من عمر صغير جدّا ... أذكر يوم تخرجت من الإبتدائية وأنتقلت للمرحلة المتوسطة ماما 

الله يحفظها كانت تعطيني شوية دروس ونصايح ، كانت خايفة علي من هذه المرحلة ومن ضمنها إنو سرّك لا تعطيه 

حق أحد وأعطتني دفتر قالت لي أكتبي فيه كل الي تبيه بس سرّك لا يطلع منك🙏🏼  وإذا محتاجة تتكلمي كلميني وأنا رح أكون صديقتك ...

ومنها بديت أدّون الأشياء اللي ببالي وبعد كم شهر أصبحت أحب أدوّن على الكمبيوتر بحكم الأفلام الإمريكية😂 كنت أستمتع أكتب على الجهاز صوت الكيبورد موسيقى بالنسبة لي🤣💗.

بعدها توجهت وفتحت لي موقع وكنت أصمم فيه بطاقات وأكتب فيه العبارات الخاصة فيني مثل موقع رعودي بس
بالإنجليزي ... قعدت أشتغل عليه لفترة طويلة ودخلت في الموضوع صديقتي وتحول لبزنس😉... بس كان أغلبه للأجانب
بعد كذا كل فترة أشوف موقع أحسن أروح أحذف اللي سويته وأسوي واحد جديد كنت أكتب خواطر وكذا وحذفتها بعد كم سنة ... لين أستقريت الآن على المدونة ... وقررت أنها تكون بها الشكل ...

  مين كان ملهمك في مجال التدوين ؟  

ماما وبابا بطريقة غير مباشرة ،، 

  أوصفيلي مدوّنتك من ناحية الستايل ونوع التدوينات ؟  

حاليًا مدونتي تعتبر لايف ستايل💙 ... ولسة مابعد خلّصت منها 

في كثير أقسام ناوية أفتحها بس حبة حبة ،، هالمدونة لسة ما كملت حتى سنة ...

بديت تدوين يناير ٢٠١٨😉

اللي قبل كانت بتمبلر ومازلت بس كلها صور وشوية خواطر مو كثير ... ومدوناتي القديمة كلها حذفتها ما 

عاد أصبح لها وجود ..

  هل توجد رسالة حابّة توصّلها داليا عن طريق مدونتها ؟  

كل اللي أتمناه أن الناس تستفيد وتستمتع بمدونتي🌸 وأني أضفي ولو شي بسيط لهم .. والأهم أني أحمّس أي 

شخص ودّه يبتدي التدوين وأقوله ابدأ / ابدأي وأكتب تجاربك لأننا نحتاج نثري المحتوى العربي 👏🏼

ولا تستهون بأي تجربة لأنه بكل بساطة ممكن تفيد ولو شخص واحد ..

والتدوين شي جميل جدًا .. ومو صعب أبدا ..

  إيش شعورك داليا بأوّل تدوينة نشرتيها ؟  

مدري شلون أوصفلك .. بس كل اللي أقدر أقوله أنه إحساس جميل جدًا ويعجبني💘 .. 

هالإحساس أحسه كل ماأنزّل تدوينة جديدة لذلك بإذن الله مارح أوقف ..

بس ممكن آخذ بريك بين فترة والثانية بحكم إنشغالي بعيلتي وبشغلي الخاص💪🏼 .

  إيش هي طقوسك قبل كتابة أي تدوينة ؟  

يمكن طقوسي مثل الجميع .. أحب أكتب في الصباح🌤 جدًا أو قريب الفجر .. أجهّز قهوتي☕️ 

وأشغّل موسيقى🎼 رايقة باليوتيوب .. وفتح برنامج One Note وأبدا أكتب💻 .. وبجنبي دفتر صغير في حال حبيت 

أشخبط وأكتب كم فكرة عشان لا أنساها وأنا أكتب على الجهاز..

  الصور من العناصر المهمة لأي تدوينة ، إيش هو سر جمال الصورة في رأي داليا ؟  

الإضاءة💡☀️ .. الإضاءة💡☀️ .. ثم التكوين ..

  إيش أكثر برامج التواصل الإجتماعي تُحبها داليا جدًا ؟  

أكثر برنامج هو الإنستقرام😄 أول ما قالوا عنّه كنت أنتظره بفارغ الصبر وعلى طول فتحت فيه حساب ..

وبديت التدوين الفوتوغرافي📸 ،، يمكن هو أساسًا اللي خلاني أعشق شي إسمه تصوير😍..

  ماهي عيوب التدوين ؟  

عيوب التدوين !! .. ما أحس إنه له عيوب أبدًا غير هنا بالمنطقة العربية التدوين مو ماخذ حقة ..

لكن له مميزات كثير حلوة💙💙 ..

من أهم مميزات التدوين بنظري أنا كمدونة إنه يطور مهاراتي ورؤيتي للأمور خصوصًا وأنا أوثّقها ..

وبالنسبة للقارئ فهي تثري معلوماته😉 .. وإن شاءالله نكون سبب إضفاء معلومة مفييدة ولو شي بسيط للعالم العربي 

خصوصا إن العالم العربي يفتقر كثير للمحتوى العربي ..

  كيف تتغلبي عن لحظات الخمول تجاه التدوين ؟  

الحقيقة المرّة إنه ما عندي لحظات خمول الحمدلله جهازي مليان مواضيع🙏🏼 بس الوقت اللي ياخذه مني أكثر شي هو 

التصوير والإيديت وبحكم ضيق الوقت مقصرة كثير في التدوين ،، خصوصا أن  طفلي يوسف عمره سنة 

وثلاث شهور💘💗 ويحتاج مني كل وقتي ومع شغلي الخاص والبيت يا دوب يبقى لي وقت أدوّن وأوثق خصوصًا

 إني فتحت قناة باليوتيوب وعندي فيديوهات كثيرة بس تحتاج مونتاج والمدونة أحس أبي كل شي ومافي 

وقت حق كل شي😅😅

  كيف تقضي وقت فراغك ؟  

أتمنى بجد يكون عندي وقت فراغ مثل قبل ولكن غالبًا أقضيه في التدوين وأسوي إيديت للفيديوهات😍💗

  مين أكثر البلوقرز الي تحبهم داليا ؟  

الحقيقة أغلبهم أجانب .. بس كدعم للمحتوى العربي رح أذكر البلوقرز العرب فقط هنا ..

أحب أشوف مدوّنات هيا عايض🌸 - ولاء هارتس💙 - أروى العمراني😍 ،، وأتمنى بيوم أوصل مثلهم وأكثر بعد ،،

  كيف تشوف داليا مدونتها ٣ سنين من الآن ؟  

إن شاء الله تكون مرجع مهم للناس .. والناس تستفيد منها ..😉🌸

  إيش هو سر النجاح برأيك ؟  

الإخلاص والحب والشغف👌🏽 .. لمّ نحب شي ونخلص فيه رح نبدع كثير ورح يوصل للناس كلها ..

  أكثر ٣ أشياء بشكل عام  تحبيها ؟  

عيلتي بس ما تنحسب من الأشياء😝

.. .. ..
كمرتي 📸 ..
قهوتي☕️ ..
السفر✈️ ..

  كلمة توجهها داليا لكل من يقرأ التدوينة وكل متابعينها ؟  

أولا أحب أشكرك على إستضافتك لي .. أخجلتيني ببصراحة😘💗

ثانيا .. أشكر لكل من قرأ لي وأخذت من وقته إن شاء الله أكون ما طولت عليكم وغثيتكم بقرقرتي بالأخير ..
أحب أقول لكل اللي عنده مدونة الله يعطيكم العافية ع المجهود اللي تبذلونه👏🏼.. ولكل من يحب يقرأ إن صادفت
مدونة أعجبتك علّق عليها ولو شي بسيط لأنه الأكيد أخذت جهد ووقت من صاحبها وكلمة شكرًا حلوة
وتعطي دفعة معنوية لصاحب المدونة💙..
لذلك عندي عادة أسويها دايم يوم أقرأ تدوينة شخص أحب أترك تعليق ولو بسيط يسعد صاحب المدونة لأني أعرف
شكثر تعني له ..😘
لذلك أي شخص عنده مدوّنة يترك رابطها في صفحتي وإن شاء الله مارح أقصر مع أحد ..

  بالنسبة لحساباتي في مواقع التواصل فهي كالتالي :  

MY BLOG : Onlydalya

https://onlydalya.com

INSTAGRAM : @dalya

https://www.instagram.com/dalya

TWITTER : @onlydalya

https://twitter.com/onlydalya

YOUTUBE : Dalya Only

https://www.youtube.com/watch?v=BOU2cYE76Zg&t=1s

TUMBLR : Onlydalya
http://onlydalya.tumblr.com

3 comments MY INTERVIEW SERIES