بسم الله الرحمن الرحيم
كيف حالكم حبيباتي💙 إيش عاملين اليوم التدوينة عفوية شوية و مني مخططالها أبدًا بس كدة فجأة قلت ليش ما أتكلم معاكم عن عالم الميك أب وإيش الجديد والتنزيلات الجديدة الي حتطرحها شركات الميك أب فيلا نبدأ !!! ...😍
Anastasia BeverlyHills X Amrezy
أناستازيا متعاونين مع الإنفلوينسر أمريزي بهايلايت فظييييع شكلو رهيب✨
أمريزي مشهورة بالهايلايت حقها إنو دايما يكون واضح وتحب الهايلات حقها يكون ON POINT فأول ما شفت التعاون قلت إن شاء الله أول ما ينزل حأشتريه😍 .
قارنو بين هايلايت سو هوليوود وهايلايت أمريزي
سو هوليوود زي ماهو باين في الصورة الثانية
جي على ذهبي أكثر أما أمريزي جي على فضي شوية مع قولد مرررة متحمسة عالتعاون الرهيب💘 .
URBAN DECAY : NAKED PETITE HEAT
أوربان ديكاي قبل فترة نزلو الهيت باليت🔥 ودحين نزلو باليت مصغر من الهيت باليت بيتضمن ألوان وورم تنفع لكل يوم
كل الألوان الموجودة مطفية أو مات مررررة حبيت الباليت😊 حسيتها صغيرة وتنفع إنو أشيلها معايا كل يوم الدوام أو الجامعة كمان تنفع للسفر لإنها صغيرة و فيها مراية أكيد حأشتريها أحس حأستهلكها كثير وأصلا أنا أحب البنيات والألوان الي تجي ترابية مرررة متحمسة للباليت حيكون سعر الباليت ٢٩ دولار يعني تقريبا ١١٦ ريال 🌸 .
( Kylie Cosmetics ( Happy Anniversary PosieK
بمناسبة الذكرى السنوية لروج كايلي جينر بوزي كي💗 نزلت كايلي مجموعة من نفس الروج و لكن بفينيش مختلف المجموعة تجي عبارة عن ٣ أرواج من بوزي كي واحد مطفي وواحد فيلفيت ودي الفورميلا أنا مررررة أحبها واخيرا ثالث واحد حيكون قلوس المجموعة هادي حتكون ليميتيد إيديشن لعيد الحب وبعد كدة خلاص ما حتلاقوها حاليا في الموقع حق كايلي مخلصة😟 .
( HUDA BEAUTY ( BronzeSandsEdition
هدى بيوتي حتنزل باليت فيلو ألوان برونز للبشرات الميديوم و البشرات الغامقة 👌🏽 مرررة حبيت الباليت وحبيت إنها فكرت في جميع البشرات الفاتحة والميديوم والغامقة برضو هادا الباليت من الباليتات الي مستنياها😊💙 .
( Maybelline ( Instant Age Rewind Concealer
ميبيلين حينزلو درجات أكثر من كونسيلر إيدج ريوايند المشهور 😀 عندهم دا الكونسيلر مررررة جميييل أنا دوبي بدأت أستخدمو و مرررة حبيتو ولسة حأستخدمو وأعمل عنو ريفيو كامل .
BeccaCosmetics X Sananas2106
بيكا أتعاونت مع إنفلوينسر بصراحة ما كنت أعرفها إلا دوبي المهم التعاون هوا عبارة عن هايلايت لونو بينك ناااعم مع ذرّات ذهبية مدموجة مع البينك اللون فظييييييع أحس حيكون حلو على كل البشرات💗🎀 مررررة حبيت التعاون وأكيد حأشتريه لمن ينزل ، في أشياء أحس ما أقدر أفوتها أحسها بتناديني من بعيد تقلّي أشتريني ودا الهايلات ✨
مرررة جميل من يوم ما شفتو
حبيتو .
KKW Fragrance
كيم كارداشيان نزلت عطور جديدة عشان عيد الحب الصراحة ما حبيت العطور حجمها مرررة صغير❌ زي عطور الأطفال مرررة ولا حق الفلوس الي تندفع فيه🤔 يعني أنا ما أدري كيف روايحهم العطور بس لمن شفت الحجم أنصدمت مررررة صغيرة هادي لو معايا ١٠ بخات ويخلص من مرة وحدة😂 سعر الواحد ٣٠ دولار يعني تقريبا ١٢٠ ريال .
Sugarpill X LittleTwinStars
شوقار بيل عاملين كوليكشن بثيم المسلسل الكرتوني ليتيل توين ستارز💘 مررررة حبيت الكوليكشن ينقّط كياتة الأرواج ألوانها فاقعة ولكن مررررة حبيتها بذات الأزرق وبالنسبة للآي شادو باليت برضو الألوان حلوة الكوليكشن جميييييل🌸 سعر الأرواج مع بعض ٣٦ دولار والباليت ٣٨ دولار يعني كلهم مع بعض تقريبا ٣٠٠ ريال .
ColourPop Cosmetics LuxLipstick
كولور بوب عملت كوليكشن أرواج عادية كريمية ٢٤ لون😉 ممكن تشتروهم لحال الواحد ب ٧ دولار يعني ٢٨ ريال والكوليكشن كامل ١٥٠ دولار يعني ٦٠٠ ريال الصراحة حلو لو تبغو يكون عندكم أرواج واضحة وبقمينتيد وكريمية وكل الألوان أكيد حتكون موجودة👌🏽يعني يجلس لكم وللزمن هههههه و ب ٦٠٠ ريال ٢٤ لون شي جميل .
( The Balm ( Take Home The Bronze
ذا بالم حينزلو ٣ درجات برونزرز جديدة حبيت الدرجات😍 أحسها متنوعة وتناسب الكل
الواحد ب ١٧.٥ دولار يعني ٧٠ ريال .
MacCosmetics X ItsJeremyScott
ماك كوزماتيكس متعاونين مع الديزاينز جيرمي سكوت😀💗 وعملو كوليكشن يحتوي على باليت آيشادو فيها ألوان جريئة وألوان ترابية حبيت هادا التنوع الصراحة و كمان الكوليكشن يحتوي على باليت فيلو بلشر وهايلايت وبرونزر💁🏻 وباليت خاص يحتوي عى أرواج الكوليكشن مميز الصراحة أبغا أشوف رأي الأجانب اليوتيوبرز والبلوقرز بالكوليكشن🤔 أحسو حيكون كوليكشن ناجح إيش رايكم ؟
Colourpop Cosmetics
كولوربوب نزلو ألوان جديدة من السوبرنوفا شادوز🌸😍 حقتهم دي الآيشادوز رخيصة وبديلة للشادوز حقت ستيلا الي نفس الشي تجي قليتازي و سائلة الحلو في كولور بوب إنو زي ما قلتلكم رخاص والجودة مرررة حلوة👌🏽 هادي الشادوز تحطوها فوق الآي شادو الباودر تعطي لمعة ولون مرررة حلو للعين حبيت الدرجات وأكيد حأشتري منهم إن شاءالله
سعر الواحد ٧ دولار يعني ٢٨ ريال .
Marc Beauty Shameless Foundation
مارك جيكوب منزلين فاونديشنز حجمهم صغير لونق وير فيها SPF25 وإنو تغطيتهم ميديوم وكمان تعطي البشرة ترطيب أو هايدريشن حيكونو عبارة عن ٢٩ درجة وسعر الواحد ٤٦ دولار يعني ١٨٤ ريال حيكونو غالبا للإستخدام اليومي للدوام أو للميك أب الخفيف😀👌🏽 ودا شي حلو لإنو أحيانا ما أكون أبغا فاونديشن قوي على بشرتي بذات في الدوام والحر .
( Benefit Cosmetics ( BADgal Mascara
بينيفيت كوزماتيكس نزلو ماسكارا جديدة الصراحة أنا أحب مسكراتهم 😉💘 وهادي الماسكرا المفروض إنها تعطي كثافة للرموش وإنها توصل لكل مكان في الرموش الجذور والحواف حقت الرموش توصل لكل مكان وإنها ما تتكتل على الرموش سعر الحجم الكبير ٢٤ دولار ٩٦ ريال .
********
وبكدة حبيباتي نكون وصلنا لنهاية التدوينة😍✨ قولولي لو تبغوني أعملكم أجزاء أكثر من هادي التدوينة ودايما نتكلم مع بعض عن المنتجات الجديدة في عالم المكياج💘 .
كل الصور الموجودة من موقع :
www.trendmood.com
أشوفكم إن شاء الله في تدوينة جديدة قريبا👋🏼 .
مررررره مخمخت على التدوينة مع إني مو ميك اب قيك 😍😍💓
ردحذفبالنسية للعطر KKW توني أدري انه تبع كيم أذكر شفته عند احد اليوتيوبرز كانت تتمصخر على حجمه 😅 شكله بيق ديل
آخر منتجات نزلتيها في التدوينة كانت الباكيجنق حقاتها ملفتتتته بالذات ماك مرره يبدعون بالكولكشنات الحصرية اللي كذا 😍
ياااااقلبي آنا على الي مخمخ هههههههه حبيبتي انتي وعلى تعليقك الي يجننننننننن زيك يا روان 💘
حذفشكراً على التدوينه الحلوه ✨
ردحذفشكرا يا رشا الحللللللوة والقمر 💙🌸
حذفما جازت لي اشكال عطور كيم 💔💔 ما تعرف تختار الباكجنق ابد 💔💔
ردحذفصح كلامك حرام فيها الفلوس الي تندفع بذات هادي الي جيا على شكل قلب كنت حأشتري عطورها الكريستال ولكن ما زبط الموضوع 💗شكرا عالكومنت ياقمر
حذففضيعه التدوينه 😻👏🏻ماشاءالله صراحه احسك مُنفرده ومتنوعه ومتجدده وفعلاً استفدت منك ⚜️
ردحذفتعليقك كدة خلى قلبي يطير في السما شكرا يا جميلتي انتي
حذفاتمنى دايما إني أكون عند حسن ظنك شكررررا من كل قلبي 🌸💘
أبدعتي, جد حبيت إنك جمعتي كل جديد, تنفعي تصيري ميك أب بوليس
ردحذفههههههههههه جود يعني مصرة تخلي خدودي تحمر وتكسفيني هههههههه الله يسعدك يارب ياقمر 😍🎀
حذف