بسم الله الرحمن الرحيم
السلام عليكم بنااااات 👋🏼 !!! كيف حالكم إن شاءالله كلكم تكونوا تمام وبصحة وعافية 💘😍 أبغا أكتبلكم ٦ تدوينات متأخرة فيها من الشهر الي فات بسبب الشغل والدوام، لكن من جد إنتو كل مرة أبعّد فيها شوية توحشوووني قد البحر 💙😭 اليوم حتكون التدوينة خفيفة وظريفة عليكم ... يارب تعجبكم فيلا نبدأ ...
آخر سنة ٢٠١٧ على آخر يومين أشتريت من ماك أونلاين ميك أب وأشتريت من عندهم أشياء خفيفة ، السبب الرئيسي الي خلّاني أشتري من عندهم هو روج فوز 💘 كان نفسي أجربو لإنو حسيت اللون ينفع على كل البشرات ، الطلب كان سريع جدّا طلبت في الليل وجاني صباح اليوم الثاني من حسيت إنو لمن تشتروا أونلاين تلاقو أشياء أكثر 😀 من لمن تشتروا من المحل و كمان تاخدوا سامبلز ببلاش فشي مرررة حلو .
خلونا نبدأ بالمشتريات 😉 .
Velvet Teddy Lipstick
روج فيلفيت تيدي سرلي من أول يوم أشتريتو وأنا ما أحط غيرو من جد أحلى روج نود عندي 🌸💗 ممكن أحطو لحال أو تحتو لاينر علشان يخلي اللون شوية أوضح أكيد لو خلص دا الروج حاشتريه أكيد مرة تانية الفينيش حقو مطفي لكن في نفس الوقت مرررة كريمي وخفيف عالشفايف 😍 بم إنو كريمي ما حيكون الثبات عالي ولكن مرررة ما عندي مشاكل أحطو في الشنطة ووقت ما بدأ يروح اللون أرجع أستخدمو مرة تانية يعني أنا بالنسبالي روج كريمي و مريح ولا إنو يكون روج مطفي ما يتحرك وآخر اليوم ألاقيه مخلي شافيفي متشققة وشكلها أبدا مو حلو 😷 . روج فيلفيت تيدي أنصحكم تشتروه بالذات الي بشراتهم بيضاء والي بشراتهم ميديوم سعره : ١١٣ ريال .
The Real Fouz Lipstick
روج فوز الفهد بالتعاون مع ماك 💘زي ما قلتلكم هو الي خلاني أجرب أطلب أونلاين من ماك الروج لونو بني على شوية موف حيطلع مختلف على البشرات يعني على البيضاء حيكون غير وعلى السمراء حيكون غير وعلى الي بشراتهم غامقة برضو حيكون غير حسيتو يليق على الكل علشان كدة أشتريتو ما أعرف إذا حتلاقوه دحين في ماك 🙃 لإنو على أيام ما أشتريتو كان باقي كم يوم وخلاص يبطلو يبيعوه لإنو لميتيد ايديشين لكن برضو أسألو وشوفو .. وللمعلومية هو للآن موجود في موقع ماك لكن مخلص .
ماجربتو كثير عليا وبمجرد ما أجربو أكثر رح أقلكم رأيي فيه لكن عمرما هو كريمي ومطفي وثباتو مو عالي لكن اللون جميل 💗 سعره : ١١٣ريال .
Lip Pencil : Soar
من يوم ما أشتريت هادا الليب لاينر وأنا ما أحط غيرو 🎀 أستخدمو كثير تحت روج فيلفيت تيدي من جد رهيب لونو موف على نود مررررة حلو اللون للصباح بالذات...💙 مررررة عجبني .
سعره : ٩٨ ريال .
Bronzing Powder : Matte Bronze
آخر شي أشتريتو هو برونزر مات 😊💗 من عندهم للآن ما أستخدمتو إلا مرة وحدة وما أقدر أحكم عليه من مرة فأعطيه أكثر من فرصة وبعدين أديكم رأيي فيه .
سعره : ١٤٦ ريال .
Samples
Candy Yum Yum Fragrance Sample
False Lashes Extreme Black Sample
Prep + Prime Skin Sample
لمن جيت أطلب أونلاين جاني خيار إنو أقدر أختار ٣ سامبلز مع الطلب فور فري 💙 فأخترت دول الثلاثة ما جربت منهم غير العطر وريحتو رهييييييبة 💘حأشتري منو الحجم الكبير وبالنسبة للمسكارا والبرايمر لسة ما أستخدمتهم .
وبس حبيباتي هادا كان كل شي كنت أبغا أقلكم هو في هادي التدوينة إن شاء الله تكون خفيفة وحلوة عليكم 😉💗 حأجيكم بتدوينات أكثر إن شاء الله حتى لو دحين ما بنزلهم في الوقت لكن حأرجع أنزلهم ما تخافو خليكم قريب لإنو حاجيكم قريب بتدوينات جديدة مع السلامة حبيباتي 🌸 .
الدرجة حقت روج فوز الفهد هي الدرجة المفضلة عندي بلا منازع مرره حرام تكون ليميتد اديشن 💔
ردحذفايوة جميلة الدرجة لإنها تنفع لكل البشرات 💙
حذفالبرونزر يبكي من جماله 😭💖💖
ردحذفحلوة الدرجة بس لسا أبغا أستخدمو أكثر وأكتب إن شاءالله عنو ريفيو شكرا ياعسل 💘
حذفياربي أنا أساساً هالفترة مرة جاي نفسي في ميك أب مع إني مو مرا مع الميك أب , وبعد تدوينتك رايحة على ماك أون لاين هههههههههههههههه
ردحذفالله يسعدك ياقلبي والله كومنتاتكم الحلوة هيا الي تخليني انبسط وأستمر شكرا جووود القمر 🌸
حذف