بسم الله الرحمن الرحيم
كيفكم بنااااات 🤗 ؟؟؟ اليوم التدوينة رح تكون نااااااار وشرار🔥 لإنو الي كتبت التدوينة إنسانة محترمة بمعنى الكلمة يوتيوبر حبّت إنها تجرب تجربة التدوين في مدونتي وأكيد دا شرف كبير ليا ، الشي الي مخليني إكسترا😀 متحمسة عالتدوينة إنو هادي أول تدوينة تخص الفاشن في مدونتي ودحين رح أسيبكم مع تدوينة
جوووود لإنو أنا عارفة إنها حتكون شي جميل 🌸 .
السلام عليكم بنات 👋🏼 ، أخباركم ؟
أنا جود أنسانة لطيفة جداً 😜 ومتأكدة راح تحبوني وأحبكم , لايف ستايل يوتيوبر وأحب أقدم مواضيع متنوعه 💜 ولذيذه بس كلها بعيداً عن الفاشن فاليوم تجربه جديده بمدونه شهد .
💘💘💘💘
كثير تمر علينا مناسبات نحتاج أن نكون فيها بِطله فخمه وناعمه بنفس الوقت ، فكره تنسيق اليوم مثالي جداً لهذي المناسبات ، أتمنى أكون مُلهمه لكم وأفيدكم قد ما أقدر ، فكره التنسيق 💄👗 هو كيف نلبس الفستان الأسود بطريقه صيفيه ويبرز جمالنا .
الفستان
أخترت هذا الفستان 👗 من زارا أسود رسمي طوله ميدي تقريباً فوق جوزه القدم بشوي ، الي يميزه قصه الأوف شولدر فيعطيه فخامه والكم الموجود فيه بطل للبنات الي يعانوا من امتلاء بمنطقه الزند 😀 ، و فتحه الساق تقريباً لين فوق الركبه بشوي فيعطي ستايل رسمي وفخم بنفس الوقت ، وهذا غير خامه الفستان قويه وشايله نفسها , خامه جداً ممتازه وفخمه ، وأي فستان أسود ساده بخامه فخمه يفي بالغرض .
الحِذاء
أخترت لون أبيض عشان أول شيء اللون الابيض 🌸 مع الحزام الأسود صاير شيء فخم مرا وحبيت أن أضيف لون عشان مايصير الستايل كئيب شوي ، و بما أن لون الفستان أسود فكل شيء تقريباً يمشي مع الفستان ، بس فكره اليوم أن يكون لون الحِذاء فاتح ، والكعب العالي يعطي فخامه وأناقه اكثر من الفلات 🙂.
المجوهرات
أخترت طقم ذهب 💜 بسيط وناعم جداً ، ومع موديل الأوف شولدر ممكن نكتفي بحلق كبير وبارز بدون عقد .
الشعر
التسريحه حبيت أن يكون شعر مموج مو ملفوف بشكل ناعم وواسع 💘، وقسمت شعري من المنتصف ولميت شوي من الجوانب بِبينس لونها نحاسي تقريباً , اللون أفتح من لون شعري عشان تبرز .
المناكير
حبيت يكون لون بارز بالطله فحطيت شيء فاتح ولون صيفي منعش💅🏼 .
التعطير
عشان تبرز الريحه أستخدمت شاور جِل وبعد الشاور لوشن من نفس المجموعه مع العطر 🎀 ، وأحب أوزع شوي من مسك الختام أو أرزه البنان أو المسك الأبيض (حسب أختياركم ) مع اللوشن على الجسم و أماكن النبض أحس يبرز الريحه ويخليها تطول .
وبعد كذا نحط الميك أب ونكون جاهزين 💄.
سمعت حكمه أو أقتباس وللآن معناه ببالي ، هو أن دائماً كوني بالستايل والطله الي تحبي تكوني فيها والي تبرز جمالك وثقتك بنفسك أكثر ومايهم الناس وش ممكن تلبس وراح يكشخوا ولا لاء ، وماركه اللبس أو سعره ماهو مهم قد ما أناقتك وقيمتك أنتي أهم .
شكراً لشهد لأنك أتحتي لي هذي الفرصه الرائعه سعيداً جداً أني شاركتكم هذا البوست ، وشكراً لتعاونك وأخلاقك الرائعه ربي يوفقك 💓.
كانت معاكم جود ، وتقدروا تكونوا صديقاتي ☺️💘
"My snapchat 👻"
🌸🌸🌸🌸🌸🌸🌸🌸🌸🌸🌸🌸🌸
وبكدة حبيباتي تكون خلصت التدوينة مررررة شكرا جود على كتابتك لهادي التدوينة الجمييييلة 💜 من جد أتشرفت بيكي معايا شكراااااا من القلب أتمنى تكون عجبتكم التدوينة بنات زي ما عجبتني 😘 وأستنوني في تدوينة جديدة إن شاء الله ومع السلامة 😉.
واااو مره حبيت التدوينه تجنن الفستان يهبل ماشاء الله والتنسيق كله حلو بالتوفيق جود وشهد حياتي انتي شكرا لك الانك عرفتينا بجود💌😍
ردحذف😊 ياااقلبي نورا الله يسعدك يارب
حذف