بسم الله الرحمن الرحيم
كيفكم بنات إيش أخباركم 😉 !! تدوينة اليوم عن روتين مكياجي اليومي ينفع للشغل أو الجامعة أو حتى للبيت للناس الي يحبو يحطو مكياج خفيف في البيت 💜 فيلا خلونا نبدأ 🙃 ...
بنات حبيباتي أبغا أقلكم إنو مو لازم يكون عندكم نفس الميك اب الي عندي أي ألوان قريبة من الي عندي تفي بالغرض 😉 مثلا الماسكرا أي ماسكرا تفي بالغرض مو لازم نوع معين .
أولا دائما قبل ما تبدؤا أي ميك أب لازم ترطبو وجهكم بأي مرطب عندكم ✅ ودا شي أساسي بعد كدة أنا عن نفسي يكون عندي خيارين بالنسبة للفاونديشن إما إني أستخدم أول خيار وهو عبارة عن بي بي كريم قارنيه درجتو ميديوم تغطيتو حلوة وجدا خفيف عالبشرة مررررة أحبو للبشرة المختلطة للدهنية تلاقوه في أي صيدلية أو سوبرماركت 😍 وبعد كدة أثبتو ببودرة من ريميل إسمها STAY MATT بم إنو البي بي كريم دوي فلازم أثبتو ببودرة علشان ما يزيت معايا خلال اليوم، البودرة والبي بي كريم درق ستور يعني موجودين في الصيدليات ، ريميل تلاقوها في سنتربوينت أو صيدلية بوتس .
الخيار الثاني أستخدمتو السنة هادي في الجامعة 🌸 لو جيت أبغا أحط مكياج أستخدم فاونديشن لوريال إنفيلابل يعطيني لوك مطفي تغطيتو متوسطة وبم إنو مطفي فما يحتاج أثبتو بأي باودر برضو تلاقوه في أي درق ستور زي بوتس و سنتربوينت درجتو رقم 32 .
أهم شي عندي دائما في أي ميك أب لوك أعملو هوا البرونزر😍😍💜 من جد أنا مررررة أحب البرونزر هادا البرونزر من ماركة أول مرة أشتري منها إسمها DEBORAH من سنتربوينت درجتو رقم 6 يجي فيلو حبات قلتر بسيييطة ومرة ماتبان لمن تحطوه على الوجه ، ما أعرف ليش بس دا البرونزر حبيتو جدا أنا بشرتي حنطية ميديوم فيندمج على لون بشرتي بطريقة جميلة علشان كدة يعجبني رخيص ومن سنتربوينت .
أحيانا لو أبغا أزود برونزر أستخدم كل الثلاثة الألوان من باليت الكونتور💜💜 كيت الباودر من أناستازيا تلاقوها في سيفورا . مو لازم تستخدموهم الإثنين مع بعض ممكن تستخدمو أي برونزر يعجبكم .
بالنسبة للبلاشر غالبا أستخدم دا البلشر من سيفورا هوا يجي معاه برونزر ما أستخدمو ، فقط أستخدم البلشر وأحيانا مرة نادرا أستخدم الهايلايتر شوية لإني ما أحب الهايلايتر الي يجي على بينك أحب أكثر الي يجي على برونز أو ذهبي لكن اساسا أنا في الصباح ما أحب أحط هايلايتر غالبا أكتفي بالبلشر فقط .
🤗 عجبتني درجة البلشر كدة تعطيني حياة لوجهي .
الي يعرفني يعرف أنا قد إيش أحب الحواجب 💘💘💘 وأحب أشوفها بيرفيكت الحواجب من أهم الأشياء الي لازم تكون مزبوطة في أي لوك سواء كان ميك يومي أو غيره لإنها هيا الي تكمل وتبين ملامح الوجه أنا لو أتكلمت عن الحواجب مارح أخلص هههه . أستخدم لحواجبي قلم الحواجب من أناستازيا BROW WIZ IN DARK BROWN غني عن التعريف من سيفورا ، أعتقد تلاقو شبهو بالضبط من ماركة نيكس (درق ستور) .
بصراحة أنا غالبا ما أحط ماسكرا لإنها تضايقني 😅 ما أعرف لكن أنا والماسكرا بشكل عام محنا أصحاب لكن لو جيت أستخدم تلاقوني أستخدم ماسكرة THEY'RE REAL من بينيفيت في سيفورا وزي ما قلتلكم وحأفضل أقلكم ممكن تستخدموا أي ماسكرا عندكم 🌸 .
طيب بالنسبة للأرواج 💄 غالبا أستخدم ألوان نود موف على بني لحمي لإنو دي الدرجات تنفع لكل يوم وللصباح بالتحديد من اليمين أول لون من تارت درجتو BEACH BUM مطفي وفنفس الوقت أبدا ما ينشف الشفايف 😍 أشتريتو أونلاين من موقع تارت نفسو مرررررة عجبني هوا أكثر واحد من الثلاثة الألوان ، والي في الوسط لون مطفي من سيفورا درجتو رقم 04 ، وآخر لون عاليسار إسمو MELTED FIG من تووفيسد اللون بينك على لحمي مهو مطفي وفي نفس الوقت مهو قلوسي يعني يبان بين المطفي وفيلو لمعة بسيطة 💜.
الي يفوز فيهم هو روج تارت مررررة أحبو فقلت لازم أصورو لحال ههههههههه 😃😂 .
🌸🌸🌸🌸🌸🌸🌸🌸🌸🌸🌸
وبس حبيباتي أتمنى التدوينة تكون عجبتكم انا غالبا ما أحط ميك أب أبدا يعني ٩٠ ٪ ☺️ ما أحط لكن لو جيت أحط تلاقو هادا هو روتيني شي بسيط وممكن تشتروه من الدرق ستور وحتى الأشياء الي حطيتها مهي من الدرق ستور لها بدايل درق ستور كثيرة وفي النهاية أستخدموا الي يريحكم 💘.
مرة تانية إن شاء الله تكون التدوينة عجبتكم ومع السلامة حبيباتي .
حبيت الروتين ، جداً سهل واي بنت ممكن تطبقه بالميك أب الي عندها ولكن أفدتينا في عرض الأقتراحات ، حبيت 😻👏🏻.
ردحذف😍 حبيبتي أنبسطت إنو عجبك شكرا جود
حذف