بسم الله الرحمن الرحيم
كيف حالكم بنات ايش عاملين وكيف رمضان معاكم 🌸 ؟ اليوم ٤ جون وهو اليوم الي أتولدت فيه بالميلادي 😃، أنا ما أحتفل بعيد ميلادي لكن حبيت إنو أكتب تدوينة عن ٢٣ شيء أتعلمته في عمر ٢٣ سنة حتكون إن شاء الله تدوينة خفيفة يارب تعجبكم ويلا نبدأ بالتدوينة 💜
١- أتعلمت إني ما أقدر أعيش من غير أهلي ماما وبابا 😭💘 هما أهم شي في حياتي مستحيل أقدر أعيش بعيدة عنهم الله يحميلي هما ويحفظلكم أهلكم ياااارب .
**************
٢- أتعلمت إني مستحيل ألبس الشنطة على كتفي اليسار هههههههه 😆 مستحيل والله كل ما أحاول الشنطة تتزحلق .
**************
٣- أتعلمت إني ما أكون قاسية على نفسي 💘.
**************
٤- أتعلمت إنو النجاح مو معناتو 💪🏼 إني أكون الأولى .
**************
٥- أتعلمت إني ما أعلق سعادتي على شخص 😬 .
**************
٦- أتعلمت إنو الطيبة الزايدة ما تنفع 😞 مع إني مني قادرة أتعلم ودايما آكل على راسي لكن أنا عندي إيمان بمقولة وعلى نياتكم ترزقون 🙏🏼😃.
**************
٧- أتعلمت إنو الإيمان بالله والتوكل عليه هو أهم شي❤️ .
**************
٨- أتعلمت أن الحياة بدون أمان ☹️ ليست حياة الله يحفظلنا الأمن والأمان لنا ولكافة المسلمين يارب 🙏🏼 .
**************
٩- أتعلمت إنو مهما رحت السعودية وبالتحديد مدينة جدّة 😍💜 هيا كل شي ( جدّة أم الرّخا والشدة هههههه ) .
**************
١٠- أتعلمت إنو ما أزعل على درجات وعلامات الدنيا 🤗 أي أحد لسة في الجامعة أو المدرسة لا تبكو على درجات الدنيا من جد والله كلو حيعدي .
**************
١١- أتعلمت إنو كلية الصيدلة 💊 تاخد جزء من قلبي .
**************
١٢- أتعلمت إنو الإنسان لازم يكون عندو هدف وحلم 💆🏻 يشتغل عليه حتى لو كانت الظروف صعبة .
**************
١٣- أتعلمت إنو الفلوس مستحيل ما تنصرف اذا كانت في يدي ههههههه 😆😀 .
**************
١٤- أتعلمت إنو الميك أب شي جميييييييل جدا 💄 .
**************
١٥- أتعلمت إنو البنت دائما أميرة 👸🏻 أبوها والأب هو البطل الوحيد في عين بنته 😭💪🏼 .
**************
١٦- أتعلمت إنو ماما هيا الإنسانة إلي من جد مهما سويت ما أقدر أوفيها حقها 💜 لإنها من جد إنسانة
مكافحة ومعطاءة الى أبعد حد الله لا يحرمني منك ياحبيبتي .
**************
١٧- أتعلمت إنو المرأة لديها قوة المرأة والرجل ✅ .
**************
١٨- أتعلمت إنو الصباح 🌤 هوا الوقت الي لو عدا كل يومي يتعكر .
**************
١٩- أتعلمت إنو الإنسان لازم يحس بألم المريض 😷💘 .
**************
٢٠- أتعلمت إني أحب نفسي 💜 وما أنتقسها أبدا .
**************
٢١- أتعلمت إنو اللعب والفديو قيمز 🎮 شيء ضروري في حياتي هههههه .
***************
٢٢- أتعلمت أنو ضروري يكون ليا عالم خاص 💆🏻 بعيد عن كل الناس .
***************
٢٣- أتعلمت إنو المدونة 💘 هيا من أحلى القرارات الي أتخدتها في حياتي .
*******************************
وبس هادي كانت ٢٣ شيء أتعلمته في عمر ال ٢٣ سنة أتمنى تكون التدوينة عجبتكم مررررة شكرا حبيباتي على دعمكم ليا أشوفكم إن شاء الله في تدوينة جديدة ومع السلامة .
فكرتك مميزة، وأحببتها، أظن أني سأطبقها عندما أبلغ سن ال21 قريبا بإذن الله 💛
ردحذفحبيت أنوهك أنه عبارة "وعلى نياتكم ترزقون" ليست قولا لله عز وجل
وهنا تفصيل المسألة
http://fatwa.islamweb.net/fatwa/index.php?page=showfatwa&Option=FatwaId&Id=72433
وشكرا جزيلا على التدوينة الخفيفة 🌟🌟
شكرا ياقلبي إنك قلتيلي إيوة قريت في الموضوع وطلع كلامك مزبوط حازبطها في التدوينة شكرا مرة تانية وعلى تعليقك الحلو
حذف