بسم الله الرحمن الرحيم
كيفكم حبايبي وكيف الإجازة معاكم ؟؟ اليوم رح تكون تدوينتنا عن كيف نرسم الآيلاينر ؟ بشكل إحترافي ، حتكون إن شاءالله التدوينة خفيفة عليكم :)
طيب أنا في بدايتي يمكن قبل ٤ سنين كنت أستخدم الآيلاينر الجل الي بفرشة علشان أتعلم بصراحة ما أتعلمت الا بالفرشة مو بالقلم ، والفرش الي ممكن تستخدموها متنوعة إما تكون نحيفة زي القلم أو إنها تكون مشطوفة ورح أوريكم أشكالها بعد شوية ، الجل آيلاينر الي بالفرشة يعطيكي مجال إنك تتعلمي بذات في البداية لإنو سهل و بالنسبة ليا أشوف إنو إذا كنتي مبتدئة أبدئي بالجل بعد كدة أستخدمي القلم حيكون القلم في هادي المرحلة مرررة سهل بالنسبالك .
وهادا شكل أول جل لاينر أستخدمتو من ماك أشتريتو يمكن قبل ٤ سنين ما أعرف إذا لسة يبيعوه نفسو أو عملو غيرو ما نشف معايا للآن ، من يوم ما أشتريتو كان السواد مو مرة السواد الفاحم لكن سوادو مو بطال الفرشة أشتريتها لحالها مو مع الآيلاينر .
في الصور الي حتجي رح أحطلكم صورة الفرشة الي عندي ، تجي مرررة نحيفة عشان تقدري ترسمي بيها :)
***********
ودحين رح أوريكم أنواع الفرش الي تكون للآيلاينر وأشكالها :)
ونجي دحين لكيف نرسم ؟ وإيش هيا خطوات الرسم ؟ رح أحطلكم صورة وفيديوهات تبين الطريقة بالتفصيل :)
Video
حبيت الفيديو من اليوتيوبر ديزي تعلمكم التيكنيك بطريقة مبسطة وأكيد أهم خطوة التدريييييب أتدربوا كتير علشان تزبطو الوينقد آيلاينر .https://youtu.be/T4Uet2xBodk
************
وفي النهاية أتمنى تكون التدوينة خفيفة عليكم ومفيدة إن شاء الله أشوفكم في تدوينة تانية قريب 3>
0 التعليقات:
إرسال تعليق