بسم الله الرحمن الرحيم
كيفكم حبايبي وكيف رمضان معاكم اليوم جيتكم بتدوينة منتجات سرلي بأستخدمها من فترة طويلة من مابيلين واليوم جا الوقت الي أكتبلكم مراجعة بسيطة عنهم و رأيي بكل صراحة فيهم فيلا نبدأ ...
Concealer Fit Me
طيب كونسيلر فيت مي من أحسن الكونسيلرات الرخيصة تلاقوه في الصيدليات وسنتربوينت وأي مكان فيلو بوث مايبيلين عندي منو درجتين درجة فاتحة وغامقة الفاتحة أستخدمها لأماكن الهايلايتر والغامق أستخدمو على آثار الحبة أو لو بشرتي فيها عيوب أغطيها به مرة أنصحكم في لإنو تغطيتو جميييلة من متوسطة الى عالية وملمسو عالبشرة حلو ويعتبر كمان هادا الكونسيلر من الكونسيلرات البديلة لكتير من الماركات الغالية زي نارس وغيرها أنصحكم فيه من كل قلبي لإنو يستاهل كل ريال دفعتو وترا رخيص مو غالي أبدا يعني لو ميزانيتك محدودة مرة حيناسبك .
Dream Smooth Primer
طيب هادا البرايمر مررررة ما حبيتو أنا جدا أحب مايبلين لكن هادا المنتج أبدا ما حبيتو وإنتو عارفين أنا أهم شي عندي الصراحة والصدق معاكم في مراجعاتي ، قوامه جل شفاف مطفي ، أستخدمتو في دوام الجامعة قبل فترة وكنت متوقعة منو إنو يقللي الدهون أو إفرازات الدهون عندي لكن أبدا ما قلل شي بالعكس زود الدهون في وجهي بشكل أكبر من لمن أحط الفاونديشن بدون برايمو ومن بعدها بطلت أستخدمو وماحأرجع أشتريه لهلدا السبب لكن الشي الحلو في إنو ملمسو حلو عالبشرة .
**********
شكرا حبايبي على كل شي وشكرا مررررة كتير على قرائتكم أحبكم كلكم وإن شاءالله أشوفكم في تدوينة جديدة .
شكراً على الريفيو، وفعلاً أنصح الكل بالكونسيلر لي سنتين أستخدمه وما أتخلى عنه أبداً ..
ردحذفوالبرايمر أبداً ماعجبني أنا بشرتي جافه وكان يثبت على المناطق الجافه ويبينها متقشره بشكل غريب ..
ياقلبي شكرا على الكومنت الحلو وإن شاء الله البنات يستفيدو ،، الله يسعدك :)
حذفتحمست أجرب الكونسيلر! عندي الفاونديشن حقه وعجبني مره، شكرًا لك
ردحذفعفوا ياقلبي
حذفريوة جربيه رخيص وأشوفه قريب من تركيبة الماركات الكبيرة الغالية :)