‏إظهار الرسائل ذات التسميات Makeup. إظهار كافة الرسائل
‏إظهار الرسائل ذات التسميات Makeup. إظهار كافة الرسائل

WHATS NEW IN THE MAKEUP WORLD | ما الجديد في عالم المكياج ؟

الأربعاء، 7 يونيو 2023

  بسم الله الرحمن الرحيم  


السلام عليكم حبايبي اليوم التدوينة إن شاء الله عن آخر أخبار عالم المكياج إيش حينزل الفترة الجيا من شركات الميك أب ف يلا حضّرولكم كوب من مشروبكم المفضّل وخلونا نبدأ ...

WHATS NEW IN THE MAKEUP WORLD? | ما الجديد في عالم المكياج

الثلاثاء، 7 يوليو 2020

  بسم الله الرحمن الرحيم  



السلام عليكم حبايبي😀 تدوينة اليوم كان المفروض تنزل أمس فإن شاء الله حأعّوضكم على تدوينة أمس كيفكم أول شي وإيش عاملين ؟؟ كيف الدنيا معاكم أهم حاجة إن شاء الله تكونوا جميعا بخير👋🏼🧡 ... اليوم التدوينة حتكون عن آخر كوليكشينات الميك أب الي نزلت طبعا نحنا عارفين إنو الشركات مع الوباء الي جانا ماسارت تنزّل منتجات كثير زي زمان ولكن مع ذلك فيه كم شركة نزّلوا كوليكشنات جديدة أنا اليوم جبتلكم بعضها وحأقلكم رأيي في كل كوليكشن فيلا نبدأ 👌🏽..
للمعلومية كل هادي الصور من حساب TRENDMOOD على الإنستقرام 

JACLYN COSMETICS DRAMA | مشكلة أرواج جاكلين كوزماتيكس

الأحد، 16 يونيو 2019

  بسم الله الرحمن الرحيم  

السلام عليكم بنات كيف حالكم حبيباتي وحشتوني قد البحر🥰💗 سنة 2019 من السنين الي حصلتلي فيها كثير أحداث مصيرية في حياتي وكانت في النازل والطالع مافي وسط 😓 لكن الحمدلله على كل حال وأنا بأحاول قد ما أقدر إني أخلي باقي السنة بم إنو الآن راح النص وباقيلنا النص الثاني أبغا دي السنة تكون حلوة وغير إن شاءالله ربي🤩 يكون كاتبلي باقية السنة خير عليا وعليكم يارب ...
بعيدًا عن الأحداث الّي سارت معايا .. سنة 2019 مليانة بالدراما والمشاكل بالذات في اليوتيوب😳 أنا دايما ما أحب أتكلم في الحاجات السلبية الي بتسير في الدنيا عموما وأحب إنو مدونتي تكون مكان إيجابي ومحفّز للجميع بس من جد ما أقدر أتجاهل مشكلة براند أو ماركة اليوتيوبر جاكلين المعروفة بجاكلين هيل سابقًا ليش 👆🏽؟؟ علشاني ما أبغا يسير فيكم زي الي سار مع الناس ولا تجرّبوا من الماركة الا بعد ما تتزبط كل المشاكل الي حاصلة مع البراند😶 فخلينا ندخل في الموضوع وأقلكم كل الي حاصل مع جاكلين كوزماتيكس ...


MARCH FAVORITES | مفضلاتي لشهر مارش

الأربعاء، 10 أبريل 2019

  بسم الله الرحمن الرحيم  

كيف حاااالكم مررررررة وحشتوني🤩 كيفكم و كيف نهاية السنة معاكم والإختبارات ؟؟ إن شاءالله الكل ينجح بأعلى الدرجات يارب و تاخدوا الإجازة الكبييييرة 🙏🏼 !! 
اليوم التدوينة حتكون خفيفة لطيفة عليكم وحأتكلم فيها على مفضلاتي لشهر مارش😎  فبدون ما أطول عليكم يلا نبدأ !!


JEFFREE STAR COSMATICS | !! رأيي في ماركة جيفري ستار

السبت، 9 مارس 2019

  بسم الله الرحمن الرحيم  


أهلا بنات كيف حااااالكم اليوم التدوينة إن شاء الله حتكون عن رأيي في ماركة جيفري ستار كوزماتيكس 💗 وليش أنا قرّرت أكتب عن هادا الموضوع هنا في المدونة بعد ما أتكلمت عليه بالتفصيل في حسابي بالإنستقرام .. 
التدوينة إن شاء الله حتكون خفيفة وقصيرة جدًا😄 وأتمنى إنو أي أحد يختلف عني أنا أحترم آراء الجميع طالما كانت في حدود الأدب وهادا في النهاية رأيي الشخصي👌🏽😀 .. فيلا نبدأ !!

Jeffree Star Cosmetics X Manny Mua Collection Review | جيفري كوزماتيكس ريفيو

الثلاثاء، 25 ديسمبر 2018

  بسم الله الرحمن الرحيم  



كيف حالكم يا أحلى بنات إيش أخباركم وحشتوني قد البحر💗 !! كيف الإختبارات إن شاء الله ربي يوفقكم يارب وكلكم تجيبوا علامات تسعدكم  وأنا كل يوم أدعيلكم الله يوفقكم يارب ولا يضيعلكم تعب أساسا خلاص ما بقي الا يومين وتخلصوا 😆💗... التدوينة مستنياكم لبعد الإختبارات روحوا ذاكروا وتعالو شيكوا عليها أول ما تخلصوا ..
 والي زيي خلص دراسة ف يلا اليوم أنا جيتكم بريفيو عن واحد من الكوليكشنز اليميتيد إيديشن 🙏🏼😉 لماركة جيفري كوزماتيكس بالتعاون مع اليوتيوبر Manny Mua .. هادا الكوليكشن نزل بداية السنة الي فاتت ٢٠١٧ قبل الدراما الي سارت بين جيفري وماني فبغض النظر عن الدراما رح أعملكم إن شاء الله ريفيو عن الكوليكشن بدون أي تحيز وبكل صراحة فيلا نبدأ🌸

GOODBYE NAKED ORIGINAL PALETTE | وداعًا لباليت أوربان ديكاي الأوريجينال

الأربعاء، 26 سبتمبر 2018

  بسم الله الرحمن الرحيم  

كيف حالكم بنااات أخيييييرا الخريف جااااا مرة أحب فصل الخريف والشتاء 🍁🍂❄️⛄️ !! اليوم التدوينة مؤثرة بالنسبالي😩 لإني حأتكلم معاكم عن أول باليت هاي إند أشتريتها في حياتي وهي باليت أوربان ديكاي نيكيد أوريجينال ومع الأسف حيوقفو تصنيعها وماحتسير موجودة بعد الآن😞 .. التدوينة اليوم حتكون خفيفة فيلا حبايبي نبدأ😆..


COLOURPOP VS KYLIE COSMATICS.. BATTLE | مين الأفضل في الأرواج السائلة المطفية كولوربوب أو كايلي ؟

الثلاثاء، 10 يوليو 2018

  بسم الله الرحمن الرحيم  

السلام عليكم يا عسلات كيفكم😀 ؟ اليوم التدوينة حتكون تدوينة ميك أب وحتكون حماسية زي المصارعة🔥 حنقارن بين كولوربوب و كايلي كوزماتيكس من حيث الأرواج المطفية💗 حيكونو ضد بعض وحنشوف مين الي حيفوز في النهاية التدوينة حتكون فيها معلومات كثير وإن شاء الله تكون مرجع لكم اذا بتفكروا تشتروا  أرواج مطفية ومحتارين فبدون ما أطول عليكم يلا نبدأ😀 !!!


أول شي أبغا أقلكم إنو هادا رأيي الخاص وتجربتي أنا في المنتجات وأكيد كل براند ولها محبينها بس أنا أحب دائما أقول رأيي بصراحة بدون أي كذب و كمان اي نقطة احد الطرفين يفوز فيها حأحط علامة ✅  ولو نقطة ما عجبتني رح احط❎  وفي النهاية حنعد الصحات ونشوف مين الشركة الي فازت بين كولوربوب و كايلي💪🏼، أخترتلكم لونين مرة أحبهم من الشركتين كنت أفضّل إنو اللونين يكونو قريبين من بعض ولكن ما عندي لونين قريبين من بعض فقلت خلاص حأختار أحلى لونين من الشركتين ، كايلي أخترت 
POSIE K 
ومن كولوربوب أخترت 
BUMBLE 

ما هو جديد عالم المكياج ؟ | WHATS NEW IN THE MAKEUP WORLD PART 1

الثلاثاء، 13 فبراير 2018

  بسم الله الرحمن الرحيم  

كيف حالكم حبيباتي💙 إيش عاملين اليوم التدوينة عفوية شوية و مني مخططالها أبدًا بس كدة فجأة قلت ليش ما أتكلم معاكم عن عالم الميك أب وإيش الجديد والتنزيلات الجديدة الي حتطرحها شركات الميك أب فيلا نبدأ !!! ...😍


مشترياتي للميك أب من ماك أونلاين | MAC COSMATICS MAKEUP HAUL

الجمعة، 9 فبراير 2018

  بسم الله الرحمن الرحيم  

السلام عليكم بنااااات 👋🏼 !!! كيف حالكم إن شاءالله كلكم تكونوا تمام وبصحة وعافية 💘😍 أبغا أكتبلكم ٦ تدوينات متأخرة فيها من الشهر الي فات بسبب الشغل والدوام، لكن من جد إنتو كل مرة أبعّد فيها شوية توحشوووني قد البحر 💙😭 اليوم حتكون التدوينة خفيفة وظريفة عليكم ... يارب تعجبكم فيلا نبدأ ...


ANTI HAUL!! | منتجات مكياج ما حأشتريها

الأحد، 3 سبتمبر 2017

  بسم الله الرحمن الرحيم  

أهلين بنات إيش عاملين وحشتووووني خلاص الإجازة ما باقي فيها كثير لكن إن شاء الله لازم نحلل كل يوم باقي إن شاء الله ههههه لا أوصيكم حللوها 🤣💘 اليوم جياكم بتدوينة نار وشرار 🔥 التدوينة أول مرة أعملها اتمنى تعجبكم زي ما أنا حبيت أكتبها من كل قلبي 🎀
 فيلا نبدأ بالتدوينة .


قبل ما أبدأ أبغا أقلكم عن فكرة التدوينة ، التدوينة إسمها أنتي هول ❌ يعني إني أتكلم معاكم عن المنتجات الي ما أبغا أشتريها 😞 لأسبابي الخاصة طبعا كل شركة من الشركات لها إسمها ومكانتها وبالعكس أغلب هادي الشركات أنا أحبها ودايما أشتري منهم 😍 لكن هادي المنتجات مارح أشتريها وأكيد في ناس كتير عكسي رح يحبوها 💃🏻ويشتروها فلو تبغو تعرفو ايش المنتجات الي ما حأشتريها خليكم معايا .

MY EVERYDAY MAKEUP ROUTINE | روتين مكياجي اليومي

الاثنين، 7 أغسطس 2017

  بسم الله الرحمن الرحيم  

كيفكم بنات إيش أخباركم 😉 !! تدوينة اليوم عن روتين مكياجي اليومي ينفع للشغل أو الجامعة أو حتى للبيت للناس الي يحبو يحطو مكياج خفيف في البيت 💜 فيلا خلونا نبدأ 🙃 ...

مراجعة فاونديشن جورجيو أرماني | Giorgio Armani Luminous Silk

السبت، 15 يوليو 2017

  بسم الله الرحمن الرحيم  

السلام عليكم حبايبي طولَت غيبتي أنا عارفة بس من جد النوم و نظامي كلو ملخبط مع رمضان والعيد بس إن شاء الله اليوم أنا جياكم بتدوينة مراجعة فاونديشن جورجيو أرماني لوميناس سيلك فيلا حبايبي نبدأ ..


مشترياتي من موقع تارت | tarte makeup haul

الأربعاء، 5 أبريل 2017

  بسم الله الرحمن الرحيم  

أهلين حبيباتي كيفكم وحشتوني ؟ اليوم إن شاء الله التدوينة حتكون عن مشترياتي من موقع تارت فيلا نبدأ :) 



طيب أول شي رح أتكلم عن تجربتي في التوصيل ، أخترت إنو يكون التوصيل دايركت للسعودية و طبعا في أكتر من خيار ممكن التوصيل ببلاش أو بفلوس أنا أخترت DHL EXPRESS الي بفلوس عشان كنت خايفة تضيع الشحنة وكدة فقلت خليني ما أخاطر وأدفع فلوس دفعت حوالي ٣٠٠ ريال زيادة حق التوصيل ووصلتني دايركت للبيت بعد حوالي أسبوعين كانت كل الطلبات ممتازة مافي شي مكسور وكل شي كان تمام .

COLOURPOP HAUL | مشترياتي من موقع كولور بوب

الخميس، 9 فبراير 2017

  بسم الله الرحمن الرحيم  


أهلا بنات كيفكم ؟؟ خلاص ما يحتاج أقلكم إنّكم وحشتوني هادي أوّل تدوينة ليّا في السّنة الجديدة إن شاء الله يارب تكون سنة ٢٠١٧ سنة خير وإنجازات لنا كلنا نحقّق فيها كل الّي نتمناه يارب ... طيب أنا اليوم جيتكم بتدوينة من زماااان وإنتو مستنيينها مني الّي هيا مشترياتي و تجربتي لشركة كولور بوب للميك أب فيلا نبدأ ... :)

  تجربتي مع كولور بوب  

أوّل شي رح أتكلّم عن طريقة الطلب أنا طلبت من موقعهم على أساس إنو يجيني عالسّعودية دايركت وجاني عن طريق البريد خلال تقريبا ١٤ يوم كانت عندي الشحنة ، رسلولي رسالة البريد السعودي إنّو عندك طلبية تعالي أستلميها دفعت حق الشحن غير قيمة المنتجات ١٠٠ ريال يعني مهما كانت طلبيتك قيمتها زودي عليها ١٠٠ ريال حق الشحن للسعودية وهادي ال١٠٠ ريال تدفعوها أونلاين وقت ما إنتو بتطلبو من الموقع لمن تجي السعودية تستلموها وبس بدون ما تدفعوا شي .
كولور بوب من الشركات الرخيصة والجودة حق أغلب المنتجات حلوة يعني من الشركات الي عرفت كيف تجذب الناس بأسعارها الرخيصة والجودة الكويسة ، وطبعا زي أي شركة ميك أب أكيد في منتجات من عندهم عجبتني و في منتجات ما عجبتني لكن عموما كولور بوب من الشركات الي أكيد حأرجع أشتري منهم وأنبسطت إنّي جرّبت منتجاتهم .

  مشترياتي :)  




THE BURGUNDY PALETTE | مشترياتي من موقع كايلي

الخميس، 17 نوفمبر 2016

  بسم الله الرحمن الرحيم  


كيفكم بنات اليوم تدوينتنا حتكون إن شاء الله موضوعها يحمس عند أغلبكم ، أنا عن نفسي جدًا متحمسة لهادي التدوينة من زمان فبدون ما أطول عليكم خلينا ندخل طوالي عالتدوينة ...!


قبل فترة أشتريت من موقع كايلي  شيئين المات لبستيك سبايس و البرقاندي باليت و علشاني طلبت يوم الهالويين بالضبط فأعطوني الميتال مات كاي ماجيستي مجانًا .

خطوات رسم الآيلانر | ?How to draw winged eyeliner

الأحد، 21 أغسطس 2016

  بسم الله الرحمن الرحيم  


كيفكم حبايبي وكيف الإجازة معاكم ؟؟ اليوم رح تكون تدوينتنا عن كيف نرسم الآيلاينر ؟ بشكل إحترافي ، حتكون إن شاءالله التدوينة خفيفة عليكم :)

طيب أنا في بدايتي يمكن قبل ٤ سنين كنت أستخدم الآيلاينر الجل الي بفرشة علشان أتعلم بصراحة ما أتعلمت الا بالفرشة مو بالقلم ، والفرش الي ممكن تستخدموها متنوعة إما تكون نحيفة زي القلم أو إنها تكون مشطوفة ورح أوريكم أشكالها بعد شوية ، الجل آيلاينر الي بالفرشة يعطيكي مجال إنك تتعلمي بذات في البداية لإنو سهل و بالنسبة ليا أشوف إنو إذا كنتي مبتدئة أبدئي بالجل بعد كدة أستخدمي القلم حيكون القلم في هادي المرحلة مرررة سهل بالنسبالك .


وهادا شكل أول جل لاينر أستخدمتو من ماك أشتريتو يمكن قبل ٤ سنين ما أعرف إذا لسة يبيعوه نفسو أو عملو غيرو ما نشف معايا للآن ، من يوم ما أشتريتو كان السواد مو مرة السواد الفاحم لكن سوادو مو بطال الفرشة أشتريتها لحالها مو مع الآيلاينر .

REVIEW | كونسيلر فيت مي و برايمر دريم سموث من مابيلين

الاثنين، 13 يونيو 2016

  بسم الله الرحمن الرحيم  


كيفكم حبايبي وكيف رمضان معاكم اليوم جيتكم بتدوينة منتجات سرلي بأستخدمها من فترة طويلة من مابيلين واليوم جا الوقت الي أكتبلكم مراجعة بسيطة عنهم و رأيي بكل صراحة فيهم فيلا نبدأ ...

REVIEW | TOO FACED MELTED LIPSTICKS

السبت، 2 أبريل 2016

  بسم الله الرحمن الرحيم  


طيب اليوم حبايبي جيتكم بتدوينة جديدة من زمان كنت أبغا أنزلها وصورتها أكثر من مرة ، التدوينة حتتكلم عن أرواج تووفيسد ميلتيد مات ليبستيكس بدون ما أطول عليكم وتطفشوا مني يلا نبدأ :)



هايلايتر بنيفيت | Sun Beam vs High Beam

الثلاثاء، 12 يناير 2016

  بسم الله الرحمن الرحيم  



كيفكم يا أحلى ناس في العالم !!! اليوم حابة أجيكم بموضوع من زمان كنت ناوية أكتب عنو في تدوينة لحالها و هيا عن
 الهايلايتر الي من بنيفيت سن بييم و هاي بييم وطبعا إنتو عارفين قد إيش أنا أحب بنيفيت لإنها من أول الماركات الهاي أند الي أشتريت منها في بدايتي للميك أب ... طبعا رأيي حيكون بكل مصداقية زي ما إنتو عارفينني فيلا حبايبي نبدأ : / 

  Sun Beam vs High Beam