بسم الله الرحمن الرحيم
السلام عليكم بنات كيف حالكم 😊 اليوم تدوينتنا حأتكلم فيها عن أحلى المسلسلات التركية 👌🏽 اللّي لااااازم تتفرجوها من جد المسلسلات الي رح أقلكم عليها من أحلى المسلسلات الي ممكن تتفرجوها في حياتكم 🙏🏼 بالنسبة للدراما التركية جهزوا الفشار والقهوة وأستمتعوا بوقتكم في الويك اند أو في الإجازة الي حتجي علينا قريب إن شاء الله 💃🏻
طيب أول شي حأبدا بالمسلسلات الحلوة الي بتنعرض حاليا 😉 عندي ٣ مسلسلات فيلا نبدأ :
المسلسل جمييييييييل جدًا من القصص الي ما نشوفها كثير يعني في قصص خلاص ملّينا منها في الدراما التركية القصة بتجمع بين أصلي الدكتورة الطيبة الحنونة الي ما تعرف القسوة ومابين فرحات هو رجل قاسي في التعامل ينظف أعمال خالو الوسخة القصة حتجمع بين فرحات وأصلي هل أصلي حتقدر تخرّج فرحات من القسوة الي فيها وهل رح تقدر تكتشفو أكثر وكيف أصلي تتعرف على فرحات من الأساس لإنهم من جهتين مختلفة عن بعض تماما كل دا حتعرفوه لمن تتفرجوا المسلسل 😊 من المسلسلات اللي نار وشرار دي الفترة .
مسلسل حكاينا من المسلسلات الي حسيتها تلامس المجتمع خفيف وأجواؤو حلللللوة الحكاية تحكي قصة بنت إسمها فيليز تعيل أهلها عندها ٦ أخوان هيا الي بتقوم بدور الأم والأب لهم أبوها دائما يشرب كحول ومستهتر والأم سابت البيت من زمان وما سألت عنهم حبيت أجواء المسلسل مرررررة لإنو يوريكم قد إيش العائلة مهمة وقد إيش التضحية مهمة جمييييييل .
نجي لمسلسل المرأة هادا المسلسل بأتفرجو عشان قصتو لامست مشاعري وأصلاً الممثلة هادي أحب كل مسلسلاتها إسمها أوزجي وفي المسلسل يكون إسمها بَهار عندها طفلين البنت إسمها نيسان والولد إسمو دوروك ياقلبي عليه مرررة أحبو كتكوت هههههه القصة هيا إنو أوزجي تتزوج واحد إسمو صرب ويعيشو مع بعض حياة سعيدة بسيطة وفي يوم صرب يموت في ظروف غريبة هل هو مات هل هو ما مات ما نعرف بس كل الناس بم فيهم بهار يجيها خبرو إنو مات في أثناء حملها بطفلها دوروك طبعا تحارب عشان تعيّش أطفالها عيشة كريمة في ظروف إنهم عيلة فقيرة ومن جد حبيت المسلسل لإنو يعكس قد إيش المرأة ممكن تهتم بأطفالها وتضحي بأشياء كثير عشانهم وقد إيش إنو المرأة ممكن تشيل وتحل محل الرجل المسلسل شوية كئيب من ناحية الأجواء ولكن قصّتو تعطي رسالة حلوة طبعا المسلسل فيه شخصيات أخرى بس ما قلتلكم عليهم شوفو المسلسل عشان تعرفوهم .
المسلسلات القديمة :
بويراز كرايل أحلى مسلسل أتفرجتو في حياتي كلللللها الي ما أتفرجو لاااااااازم يتفرجو لإنو من جد كامل مكمل من ناحية الممثلين والقصة وكل شي المسلسل فيلو المشاهد الي تبكّي وفيلو المشاهد المضحكة وفيلو مشاهد الأكشن وفيلو مشاهد الدراما فلمن تتفرجو تحسو كل مشاعركم أتحركت ماأقدر أقلكم عن القصة لإنو كل شخصية في المسلسل قصة لحالها بس رح أحاول أتكلم عن الأبطال ، البطل إسمو بويراز شرطي وعند ولد مررررة يحبو إسمو سينان وعاد سينان هادا قصة تانية من جد صح إنو طفل صغير في السن لكن ممثل محترف والله والبطلة إسمها عايشة جول دي الممثلة انا مرررة أحبها المهم في السلسل تكون دكتورة بنت رجل مافيا إسمو بحري القصة معقدة وحلوة مرررررررة المسلسل فيلو شخصيات كثييير وكلهم جبااااارين ما أقدر أقول أكثر من كدة المسلسل جباااار أديلو ١٠٠ من ١٠ لو أقدر أشتريه نسخة عندي تجلس والله أشتريه لإنو حرااااااام يضيع كدة المسلسل رهيب نقطة .
كوزاي جوناي مسلسل يجي بعد بويراز علطول مررررررررة حلو ولااااااازم تتفرجوه لو مافي بويراز كان هادا حطيتو المرتبة الأولى وبجدارة المسلسل إسمو يجي من إسم الأخوين واحد فيهم إسمو كوزاي الي هوا البطل وطبعا غني عن التعريف كيفانش والثاني الأخو جوناي إسمو الحقيقي بورا وبرضو غني عن التعريف القصة ومافيها إنهم أخوين عكس بعض واحد فيهم يفكر في نفسو وأناني الي هو جوناي والثاني صح يبان إنو قوي لكن مرررة طيب ويضحي دائما حتى لو كان على حساب نفسو الي هو كوزاي في يوم من الأيام يكونو الإثنين راكبين السيارة وجوناي في وسط ماهو بيسوق السارة يتضارب مع أخوه كوزاي ويصدم رجال بالغلط ويموت دا الرجال فيتحمل كوزاي القضية عن أخوه ويتسجن ٤ سنين بدل أخوه جوناي وهو بريء وأهلو ساكتين ويقفلو عالموضوع بعد ال ٤ السنين يطلع وتبدأ عاد الاحداث البنت الي في الصورة هادي البطلة إسمها في المسلسل جيمري تكون في البداية حبيبة جوناي وبعدين تسير أحداث كتير ماحأقولها المسلسل جباااااار مررررررة لازم تتفرجوه .
ما قدرت ما أحط هادا المسلسل في المرتبة الثالثة في كتير مسلسلات قوية وجبارة جية في الطريق لكن لاااازم أعطي دا المسلسل حقو طيب خلوني آخذ نفس عميق لإنو حأتكلم كتيييير هنا هههههههه
طيب دا المسلسل أكثر مسلسل ضحكني من جد مسلسل كوميدي وفي نفس الوقت درامي وفيلو قصة حلوة وجمع بين ممثلين أنا مررررة أحبهم بذات لمن يمثلو مع بعض أوزجي وبورا الإثنين دول يجننو هما في الحقيقة أصدقاء مقربين وكمان مثلو مع بعض في هذا المسلسل وكمان دحين سوو فيلم مع بعض لازم أتفرجو نرجع لموضوعنا
المسلسل لو مهمومين زعلانين نفسكم تضحكو وتغيرو جو لاااااااااازم تتفرجوه ، كل يوم لازم أتفرجو و يمكن عدتو تقريبا ٦ مرات من كتر مهو حلو مررررة يفتح النفس كل كاست المسلسل حلو .... بنات دا المسلسل الوحيد الكوميدي الدرامي الي حطيتو لانو من جد لازم تتفرجوه من جد إنو فريد من نوعه ولو أتفرجتوه حتدعولي خلّصت فقرة المدح خلونا نروح للقصة
القصة هوا إنو أوزجي الي هيا في المسلسل إسمها زينب تكون تحب واحد وتروح معاه إمريكا وهناك الواحد دا يسيبها وهيا حامل بطفلها سليم في الجهة التانية يجي بورا الي هوا فاتح في المسلسل يكون طفشان من ضغط أهلو عليه لإنو يبغوه يتزوج وحده هوا ما يحبها وفي نفس الوقت هو من عائلة غنية في يوم من الأيام يروح هوا كمان إمريكا ويشرد من ضغط أهلو مع وحدة هوا يحبها وبعدين ترفضو هيا كمان... في المطار فاتح وزينب حيتعرفو على بعض كل واحد فيهم عندو مشكلة لازم يبرروها لأهلهم كيف حيتقابلو وإيش حيصير تعرفو لمن تتفرجو المسلسل ... المسلسل يجنننننننن أكثر مسلسل كوميدي ضحكني .
مسلسل فاطمة جول أكيد أي أحد أتفرج الدراما التركية يعرف هذا المسلسل لإنو مسلسل لازم يدخل في تاريخ الدراما التركية جبار ويجمع بين ممثلين تمثيلهم عشرة على عشرة بيرين سات وأنجين أكيوريك من الممثلين المفضلين عندي المسلسل دا كسر الدنيا أول ما نزل وأترجم بأكثر من لغة وأتباع في كل مكان مررررة فظيع القصة وما فيها هو إنو فاطمة جول بنت قروية تكون مخطوبة لواحد وفي وقت ما خطيبها يروح لشغل فترة حيغيب فيها تروح فاطمة تودعو في الليل بعدين وهيا راجعة لبيتها تكون في شلة أولاد أغنياء ومن بينهم البطل اللي إسمو كريم هوا برضو يكون من نفس القرية حقت فاطمة ولكن ما يعرفو بعض .... كريم يكون مصاحب الأولاد الأغنياء وفي ديك الليلة وفاطمة راجعة البيت يغتصبوها الأولاد في حضور كريم طبعا كريم ما يلمسها ولكن كان مع الأولاد دول فيعتبر إنو مذنب المهم القصة حتكون دايرة بين كريم وفاطمة ايش حيصير بينهم تعرفو لمن تتفرجو كل واحد فيهم له قصة وطبعا المسلسل يحمل رسالة تتضمن معاناة البنات الي بيمروا بالإغتصاب وإنو كيف دا الموضوع يؤثر عليهم و على نفسيتهم وإنها قضية لازم ما تنسكت عنها أكيد وإنو لازم كل بنت مرت بموقف زي كدة تتكلم و تاخد حقها المسلسل حبيت رسالتو وأكيد حبيت كل شي فيه حتشوفو قصص وأحداث أكثر من كدة في المسلسل من جد جميل في تاريخ الدراما التركية .
مسلسل الإنتقام من بطولة بيرين سات طبعا غنية عن التعريف ممثلة محترفة بمعنى الكلمة أتفرجت المسلسل عشانها القصة هو إنو بيرين في المسلسل يكون إسمها يامور يموت أبوها ظلم وهيا صغيرة طبعا لمن تكبر تعرف إنو أبوها مات ظلم فتقوم تنتقم لأبوها من كل الي موتوه ظلم المسلسل حلو عشان بيرين سات الي يحب الغموض يتفرج المسلسل كان جميل .
حتى الممات مسلسل كنت مهووسة فيه السنة الي فاتت بمعنى الكلمة المسلسل نجح برا تركيا في أوروبا وفي تركيا ما أخذ نصيبو المسلسل من جد قصتو حلوة وتمثيل أنجين فيه كان يجنن الي متابعني في تويتر السنة الي فاتت كنت دائما نشيطة في هاشتاق المسلسل مرررة كان ماخد عقلي القصة هوا إنو إنجين الي اسمو في المسلسل داهان في يوم زواجو ينصبو فخ له ويخدروه فيقوم يلاقي نفسو الشرطة ماسكتو إنو قتل واحد رجال .
داهان وقتها يكون دكتور طب في آخر سنة له فطبعا يتسجن ١١ سنة ظلم كيف سارت الجريمة وكيف حيطلع ومين حتكون البطلة سلوى حتعرفو لمن تتفرجو ... المسلسل حرام انو ما كمل أتطرّوا يخلصو القصة في ١٣ حلقة بس ، لكن برضو يستاهل إنكم تتفرجوه حبيت المسلسل مع إنو الكاست أو الممثلين الي كانو مع إنجين ما حبيتهم كثير بس المسلسل حلو وكفاية إنو فيلو أنجين .
مسلسل أغنية الحياة من بطولة بورجو الي هيا في المسلسل إسمها هوليا من الشخصيات الي مستحيل تتكرر في مسلسل تاني من جد عيشتني معاها الدور من جد الدور لايق عليها حرفيا المسلسل خطييييييير
المسلسل فيلو مشاهد فلاش باك من الماضي من لمن هوليا تكون صغيرة ومشاهد وهيا كبيرة و كيف حياتها الصعبة الي عاشتها في الماضي تأثر في تصرفاتها في الحاضر، شخصية هوليا إنها بنت قوية ما تحب تنهزم ولا تحب أحد يدُسلها على طرف والي يدسلها على طرف توديه ورا الشمس 😂👊🏽 الشي الي في بالها تحب تاخدو من وهيا صغيرة تحب ولد غني مع إنها من عيلة فقيرة جدا وتقول وهي صغيرة أنا لمن أكبر حأتزوج هادا الولد الغني الي هوا كريم في المسلسل وتعمل المستحيل لين ما تكبر وتتزوجو بالغصيبة وغصبًا عنو مع إنو ما يحبها الي حبيتو فيها شخصيتها انسانة ما ترضى بالهزيمة أبدا مررررة حبيت الممثلة بعد هادا المسلسل طبعا المسلسل فيلو مشاهد كوميدية كمان يعني شخصية هوليا قوية ومرحة وحبوبة وطيبة في نفس الوقت انصحكم تتفرجو المسلسل رهيب .
مسلسل الرحمة يحكي قصة البطلين فرات و دارين ... دارين بنت تعيش حياة صعبة بمعنى الكلمة أبوها دائما يضرب أمها ويضربها هيا وأخوانها لكن مع كدة كان عندها هدف إنو تصير محامية كانت عايشة في عيلة مرررة حالها صعب وفقيرة المسلسل فيلو فلاش باك كثير مشاهد و هي صغيرة و مشاهد وهي كبيرة في يوم تروح حفلة لمن تكبر وتلاقي فرات ... فرات البطل اللي كانت تعرفو من زمان ما أقدر أقول أكثر من كدة مين هو فرات و كيف عاشت دارين و كيف حتعيش و تكمل حياتها و فين أهلها وإيش سار فيهم كل دا حتعرفوه لمن تتفرجو المسلسل .
من جد هاذي من المسلسلات المميزة الي تفضل في الذاكرة كل المسلسلات الي قلتلكم عليها من جد مسلسلات كدة الصفوة ما حتلاقو زيهم أبدا حتى لو ما تحبو التركي لازم تتفرجوا دي المسلسلات لإنو من جد ما حتتكرر وبس أتمنى التدوينة تكون حلوة وخفيفة عليكم وقدرت أوصفلكم المسلسلات بشكل حلو دحين نحنا داخلين على إجازة فحابة كدة تخرجوا من الإختبارات بالسلامة وتتفرجوا أحلى المسلسلات أشوفكم حبايبي في التدوينة الجديدة يوم الإثنين 😍💗 .
طيب أول شي حأبدا بالمسلسلات الحلوة الي بتنعرض حاليا 😉 عندي ٣ مسلسلات فيلا نبدأ :
1- Siyah beyaz ask (حب أبيض أسود)
2- Bizim hikaye (حكايتنا)
مسلسل حكاينا من المسلسلات الي حسيتها تلامس المجتمع خفيف وأجواؤو حلللللوة الحكاية تحكي قصة بنت إسمها فيليز تعيل أهلها عندها ٦ أخوان هيا الي بتقوم بدور الأم والأب لهم أبوها دائما يشرب كحول ومستهتر والأم سابت البيت من زمان وما سألت عنهم حبيت أجواء المسلسل مرررررة لإنو يوريكم قد إيش العائلة مهمة وقد إيش التضحية مهمة جمييييييل .
3- Kadin (المرأة)
نجي لمسلسل المرأة هادا المسلسل بأتفرجو عشان قصتو لامست مشاعري وأصلاً الممثلة هادي أحب كل مسلسلاتها إسمها أوزجي وفي المسلسل يكون إسمها بَهار عندها طفلين البنت إسمها نيسان والولد إسمو دوروك ياقلبي عليه مرررة أحبو كتكوت هههههه القصة هيا إنو أوزجي تتزوج واحد إسمو صرب ويعيشو مع بعض حياة سعيدة بسيطة وفي يوم صرب يموت في ظروف غريبة هل هو مات هل هو ما مات ما نعرف بس كل الناس بم فيهم بهار يجيها خبرو إنو مات في أثناء حملها بطفلها دوروك طبعا تحارب عشان تعيّش أطفالها عيشة كريمة في ظروف إنهم عيلة فقيرة ومن جد حبيت المسلسل لإنو يعكس قد إيش المرأة ممكن تهتم بأطفالها وتضحي بأشياء كثير عشانهم وقد إيش إنو المرأة ممكن تشيل وتحل محل الرجل المسلسل شوية كئيب من ناحية الأجواء ولكن قصّتو تعطي رسالة حلوة طبعا المسلسل فيه شخصيات أخرى بس ما قلتلكم عليهم شوفو المسلسل عشان تعرفوهم .
المسلسلات القديمة :
1- Poyraz karayel (بويراز كراييل)
بويراز كرايل أحلى مسلسل أتفرجتو في حياتي كلللللها الي ما أتفرجو لاااااااازم يتفرجو لإنو من جد كامل مكمل من ناحية الممثلين والقصة وكل شي المسلسل فيلو المشاهد الي تبكّي وفيلو المشاهد المضحكة وفيلو مشاهد الأكشن وفيلو مشاهد الدراما فلمن تتفرجو تحسو كل مشاعركم أتحركت ماأقدر أقلكم عن القصة لإنو كل شخصية في المسلسل قصة لحالها بس رح أحاول أتكلم عن الأبطال ، البطل إسمو بويراز شرطي وعند ولد مررررة يحبو إسمو سينان وعاد سينان هادا قصة تانية من جد صح إنو طفل صغير في السن لكن ممثل محترف والله والبطلة إسمها عايشة جول دي الممثلة انا مرررة أحبها المهم في السلسل تكون دكتورة بنت رجل مافيا إسمو بحري القصة معقدة وحلوة مرررررررة المسلسل فيلو شخصيات كثييير وكلهم جبااااارين ما أقدر أقول أكثر من كدة المسلسل جباااار أديلو ١٠٠ من ١٠ لو أقدر أشتريه نسخة عندي تجلس والله أشتريه لإنو حرااااااام يضيع كدة المسلسل رهيب نقطة .
2- kuzey guney (الشمال والجنوب)
كوزاي جوناي مسلسل يجي بعد بويراز علطول مررررررررة حلو ولااااااازم تتفرجوه لو مافي بويراز كان هادا حطيتو المرتبة الأولى وبجدارة المسلسل إسمو يجي من إسم الأخوين واحد فيهم إسمو كوزاي الي هوا البطل وطبعا غني عن التعريف كيفانش والثاني الأخو جوناي إسمو الحقيقي بورا وبرضو غني عن التعريف القصة ومافيها إنهم أخوين عكس بعض واحد فيهم يفكر في نفسو وأناني الي هو جوناي والثاني صح يبان إنو قوي لكن مرررة طيب ويضحي دائما حتى لو كان على حساب نفسو الي هو كوزاي في يوم من الأيام يكونو الإثنين راكبين السيارة وجوناي في وسط ماهو بيسوق السارة يتضارب مع أخوه كوزاي ويصدم رجال بالغلط ويموت دا الرجال فيتحمل كوزاي القضية عن أخوه ويتسجن ٤ سنين بدل أخوه جوناي وهو بريء وأهلو ساكتين ويقفلو عالموضوع بعد ال ٤ السنين يطلع وتبدأ عاد الاحداث البنت الي في الصورة هادي البطلة إسمها في المسلسل جيمري تكون في البداية حبيبة جوناي وبعدين تسير أحداث كتير ماحأقولها المسلسل جباااااار مررررررة لازم تتفرجوه .
3- Ask yeniden (العشق مجدّدا)
ما قدرت ما أحط هادا المسلسل في المرتبة الثالثة في كتير مسلسلات قوية وجبارة جية في الطريق لكن لاااازم أعطي دا المسلسل حقو طيب خلوني آخذ نفس عميق لإنو حأتكلم كتيييير هنا هههههههه
طيب دا المسلسل أكثر مسلسل ضحكني من جد مسلسل كوميدي وفي نفس الوقت درامي وفيلو قصة حلوة وجمع بين ممثلين أنا مررررة أحبهم بذات لمن يمثلو مع بعض أوزجي وبورا الإثنين دول يجننو هما في الحقيقة أصدقاء مقربين وكمان مثلو مع بعض في هذا المسلسل وكمان دحين سوو فيلم مع بعض لازم أتفرجو نرجع لموضوعنا
المسلسل لو مهمومين زعلانين نفسكم تضحكو وتغيرو جو لاااااااااازم تتفرجوه ، كل يوم لازم أتفرجو و يمكن عدتو تقريبا ٦ مرات من كتر مهو حلو مررررة يفتح النفس كل كاست المسلسل حلو .... بنات دا المسلسل الوحيد الكوميدي الدرامي الي حطيتو لانو من جد لازم تتفرجوه من جد إنو فريد من نوعه ولو أتفرجتوه حتدعولي خلّصت فقرة المدح خلونا نروح للقصة
القصة هوا إنو أوزجي الي هيا في المسلسل إسمها زينب تكون تحب واحد وتروح معاه إمريكا وهناك الواحد دا يسيبها وهيا حامل بطفلها سليم في الجهة التانية يجي بورا الي هوا فاتح في المسلسل يكون طفشان من ضغط أهلو عليه لإنو يبغوه يتزوج وحده هوا ما يحبها وفي نفس الوقت هو من عائلة غنية في يوم من الأيام يروح هوا كمان إمريكا ويشرد من ضغط أهلو مع وحدة هوا يحبها وبعدين ترفضو هيا كمان... في المطار فاتح وزينب حيتعرفو على بعض كل واحد فيهم عندو مشكلة لازم يبرروها لأهلهم كيف حيتقابلو وإيش حيصير تعرفو لمن تتفرجو المسلسل ... المسلسل يجنننننننن أكثر مسلسل كوميدي ضحكني .
4- Fatmagul (ماهو ذنب فاطمة جول)
مسلسل فاطمة جول أكيد أي أحد أتفرج الدراما التركية يعرف هذا المسلسل لإنو مسلسل لازم يدخل في تاريخ الدراما التركية جبار ويجمع بين ممثلين تمثيلهم عشرة على عشرة بيرين سات وأنجين أكيوريك من الممثلين المفضلين عندي المسلسل دا كسر الدنيا أول ما نزل وأترجم بأكثر من لغة وأتباع في كل مكان مررررة فظيع القصة وما فيها هو إنو فاطمة جول بنت قروية تكون مخطوبة لواحد وفي وقت ما خطيبها يروح لشغل فترة حيغيب فيها تروح فاطمة تودعو في الليل بعدين وهيا راجعة لبيتها تكون في شلة أولاد أغنياء ومن بينهم البطل اللي إسمو كريم هوا برضو يكون من نفس القرية حقت فاطمة ولكن ما يعرفو بعض .... كريم يكون مصاحب الأولاد الأغنياء وفي ديك الليلة وفاطمة راجعة البيت يغتصبوها الأولاد في حضور كريم طبعا كريم ما يلمسها ولكن كان مع الأولاد دول فيعتبر إنو مذنب المهم القصة حتكون دايرة بين كريم وفاطمة ايش حيصير بينهم تعرفو لمن تتفرجو كل واحد فيهم له قصة وطبعا المسلسل يحمل رسالة تتضمن معاناة البنات الي بيمروا بالإغتصاب وإنو كيف دا الموضوع يؤثر عليهم و على نفسيتهم وإنها قضية لازم ما تنسكت عنها أكيد وإنو لازم كل بنت مرت بموقف زي كدة تتكلم و تاخد حقها المسلسل حبيت رسالتو وأكيد حبيت كل شي فيه حتشوفو قصص وأحداث أكثر من كدة في المسلسل من جد جميل في تاريخ الدراما التركية .
5- Intikam (إنتقام)
مسلسل الإنتقام من بطولة بيرين سات طبعا غنية عن التعريف ممثلة محترفة بمعنى الكلمة أتفرجت المسلسل عشانها القصة هو إنو بيرين في المسلسل يكون إسمها يامور يموت أبوها ظلم وهيا صغيرة طبعا لمن تكبر تعرف إنو أبوها مات ظلم فتقوم تنتقم لأبوها من كل الي موتوه ظلم المسلسل حلو عشان بيرين سات الي يحب الغموض يتفرج المسلسل كان جميل .
6- Olene kadar (حتى الممات)
داهان وقتها يكون دكتور طب في آخر سنة له فطبعا يتسجن ١١ سنة ظلم كيف سارت الجريمة وكيف حيطلع ومين حتكون البطلة سلوى حتعرفو لمن تتفرجو ... المسلسل حرام انو ما كمل أتطرّوا يخلصو القصة في ١٣ حلقة بس ، لكن برضو يستاهل إنكم تتفرجوه حبيت المسلسل مع إنو الكاست أو الممثلين الي كانو مع إنجين ما حبيتهم كثير بس المسلسل حلو وكفاية إنو فيلو أنجين .
7- Kara para ask (العشق المشبوه)
حب المال الأسود أو العشق المشبوه يجمع بين الممثلين توبا وأنجين دا برضو من المسلسلات الي كسرت الدنيا أول ما نزل في تركيا و طبعا أنعرض في كل مكان مررررة حلو من المسلسلات الي لاااازم تتفرجوها القصة هوا إنو أنجين الي في المسلسل إسمو عُمر يكون شرطي ذكي وعمره ما مشي في الأعمال المشبوها، يكون يحب بنت ويخطبها وخلاص يكونو على وجه إنهم يتزوجوا وفي الجهة الثانية توبا الي إسمها في المسلسل إيليلف .. إيليف تشتغل في صناعة المجوهرات وأخذت حب المجوهرات من أبوها يوم من الأيام في عيد ميلادها يجيها خبر إنو أبوها مات مقتول في سيارة طبعا عمر بم إنو شرطي يشوف أبو إيليف في السيارة ومعاه خطيبتو ميته .
الإثنين أبو إيليف وخطيبة عمر ميتين بالرصاص في نفس السيارة فكيف ماتوا وايش الي جمع أبو ايليف مع خطيبة عمر و مين الي قتلهم حتعرفو كل دي التفاصيل لمن تتفرجو .... المسلسل مهتم بكل التفاصيل الغموض والحماس والأكشن والرومانس والدراما وكل شي مررررة حبيت المسلسل زي ما كل الناس حبوه .
8- Hayat sarkisi (أغنية الحياة)
مسلسل أغنية الحياة من بطولة بورجو الي هيا في المسلسل إسمها هوليا من الشخصيات الي مستحيل تتكرر في مسلسل تاني من جد عيشتني معاها الدور من جد الدور لايق عليها حرفيا المسلسل خطييييييير
المسلسل فيلو مشاهد فلاش باك من الماضي من لمن هوليا تكون صغيرة ومشاهد وهيا كبيرة و كيف حياتها الصعبة الي عاشتها في الماضي تأثر في تصرفاتها في الحاضر، شخصية هوليا إنها بنت قوية ما تحب تنهزم ولا تحب أحد يدُسلها على طرف والي يدسلها على طرف توديه ورا الشمس 😂👊🏽 الشي الي في بالها تحب تاخدو من وهيا صغيرة تحب ولد غني مع إنها من عيلة فقيرة جدا وتقول وهي صغيرة أنا لمن أكبر حأتزوج هادا الولد الغني الي هوا كريم في المسلسل وتعمل المستحيل لين ما تكبر وتتزوجو بالغصيبة وغصبًا عنو مع إنو ما يحبها الي حبيتو فيها شخصيتها انسانة ما ترضى بالهزيمة أبدا مررررة حبيت الممثلة بعد هادا المسلسل طبعا المسلسل فيلو مشاهد كوميدية كمان يعني شخصية هوليا قوية ومرحة وحبوبة وطيبة في نفس الوقت انصحكم تتفرجو المسلسل رهيب .
9- Merhamet (الرحمة)
مسلسل الرحمة يحكي قصة البطلين فرات و دارين ... دارين بنت تعيش حياة صعبة بمعنى الكلمة أبوها دائما يضرب أمها ويضربها هيا وأخوانها لكن مع كدة كان عندها هدف إنو تصير محامية كانت عايشة في عيلة مرررة حالها صعب وفقيرة المسلسل فيلو فلاش باك كثير مشاهد و هي صغيرة و مشاهد وهي كبيرة في يوم تروح حفلة لمن تكبر وتلاقي فرات ... فرات البطل اللي كانت تعرفو من زمان ما أقدر أقول أكثر من كدة مين هو فرات و كيف عاشت دارين و كيف حتعيش و تكمل حياتها و فين أهلها وإيش سار فيهم كل دا حتعرفوه لمن تتفرجو المسلسل .
من جد هاذي من المسلسلات المميزة الي تفضل في الذاكرة كل المسلسلات الي قلتلكم عليها من جد مسلسلات كدة الصفوة ما حتلاقو زيهم أبدا حتى لو ما تحبو التركي لازم تتفرجوا دي المسلسلات لإنو من جد ما حتتكرر وبس أتمنى التدوينة تكون حلوة وخفيفة عليكم وقدرت أوصفلكم المسلسلات بشكل حلو دحين نحنا داخلين على إجازة فحابة كدة تخرجوا من الإختبارات بالسلامة وتتفرجوا أحلى المسلسلات أشوفكم حبايبي في التدوينة الجديدة يوم الإثنين 😍💗 .
انا من الناس اللي ما احب الحلقات والمسلسلات الطويلة ودخلت عالم العشق المشبوه بالغلط كنت احسبه ثلاث طعش حلقة طلع فوق الخمسين 😂😂💔
ردحذفبس كويس انه كان حلو 🌚
شوفي عموما التركي دايما المسلسلات تكون طويلة أنا عن نفسي أحب الطويل لإني أحب أعيش الحكاية فترة طويلة يعني ما 😀 احب المسلسل يخلص بسرعة ... المسلسلات الي حطيتها صدقيني تابعيها وما حتندمي العشق المشبوه صح كلامك حلو
حذفواااو شهد ماشاء الله عليك كثير تابعتي مسلسلات ، انا من عشاق عشاق المسلسلات التركية ، حمستيني اضيف المسلسلات اللي تابعتها في تدوينة الافلام اللي تابعتها ..
ردحذفحبييييبتي حنين ، ايوة اتفرج مرررة كتير تركي في أكثر من دول بس هادول احلى المسلسلات في نظري اتمنى يعجبوكي 💙💙 أتفرجيهم وقوليلي رايك
حذفحبييييت مرة اختيارتك ووصفك انا مو مرة اتابع حدي اتابع في التلفزيون فيه كم مسلسل مرو عليا لكن ماكملتها تدوينتك في القائمة حطيتها حبيتهاماشاء الله
ردحذفيسعدلي انا الي عجبتها التدوينة بشااااير انتي عسل شكككرا 💗🌸
حذفانا اللي تابعته من زمان مع صاحبتي في الثانوي المال الأسود وبويراز بس الجزء الأول الثاني وقتها نسيت في أي حلقة وقفت بس كان ممتع و يضحك، المشكلة انه الحلقات طويلة مرا بس حلو للي تحب تعيش جو القصة
ردحذفحلو إنك تابعتيهم حتى لو شوية لإنو دول المسلسلين مررررة رهيبين شكرا ياقمر عالكومنت 💘
حذفوصفك للمسلسلات مرره يحمس من فتره لفترة اميل للمسسلسلات التركيه
ردحذفاختيارات موفقة
حبيبتي مسك الله يسعدك انتي والكلام الحلو هادا شكرا 💗🌸
حذففي مسلسل قصته ان بنتين ولدوا بنفس المستشفى وتلخبطوا الغنية صارت فقيره والفقيره صارت غنيه ابي اسمه بليززززز
ردحذفوالله ياقلبي ما أعرف هادا المسلسل بس ان شاد الله الي يقرأالتدوينة ويعرف المسلسل حيرد عليكي أكيد شكرا حبيبتي على تعليقك الحلو ...💕
حذفاسمه حطام
حذفحبيت شرحك رغمني قرات قصة بعض المسلسلات قبل وما اتحمستلها بس برجع اشوفها ان شاء الله 👏
ردحذف