بسم الله الرحمن الرحيم
كيفكم حبايبي وكيف دخول الشتاء معاكم ؟؟؟؟ أنا بالنسبالي مررة متحمسة للشتا لإنو أحلى فصل من فصول السنة بالنسبالي ... طيب بم إنو دوبنا خلصنا فصل الخريف رح أتكلم عن الشموع إلي أشتريتها قريب من باث أند بودي ووركس لمن رحت أشتري كانو لسة بيبيعو شموع الخريف أشتريتهم يوم البلاك فرايدي ... بدون ما أطول عليكم يلا نبدأ 3> .
أشتريت ٧ شموع و كان في عرض تشتري ٣ و ٣ مجانا تدفعي أغلى ٣ وال ٣ الثانية مجانا كان العرض حلو روحوا شوفوا لو حابين اذا موجود لين دحين العرض والا لا فيلا نبدأ بالشموع وحده وحده :)
Buttercream Icing
أحلى ريحة من كل الروايح الي أشتريتها جدا حلوة ريحتها بالضبط نفس ريحة مخبز الكيك والكريمة أحبها مررررة وحشتري منها كتييير ، أكيد أنصحكم بيها رهيبة .
Salted Caramel
من جد هادي الشمعة ريحتها زي الفشار بالكراميل ههههه تحسو الريحة حلوة في نفس الوقت فيها حاجة غريبة زي ريحة الكراميل لمن يتحرق شوية مرة حلوة الريحة .... فشااااار بالكراميل .
Lakeside Sunrise
طيب هادي ريحتها زي إسمها بالضبط من جد الريحة زي كإنك وقفتي عند بحيرة وقت شروق الشمس الريحة جدا جميلة وتهدي الأعصاب ريحة بحر على ريحة نظافة جداااا جميلة .
Sweater Weather
ريحة هادي الشمعة باختصار خررررررييييف ريحتها شجر الخريف كل شي خريف هوا عبارة عن هادي الشمعة .
Eucalyptus Mint
المفروض إنو هادي الشمعة تكون ريحتها نعناع لكن بالنسبالي أنا شميتها في المحل ريحة صابون مرة الريحة حلوة ريحة انتعاش ونظافة ماشفت فيها نعناع أبدا لكن ريحتها مرررة حلوة .
Sweet Pea
هادي الشمعة من الشموع الي لها كوليكشن كامل يعني تلاقوا من نفس الريحة عطر ، كريم ، عطر للجسم وإلخ أنا حبيت الشمعة أكثر من باقي الكوليكشن ريحتها ريحة سوييت أو حلاوة مع ريحة ورد شوية ريحتها عطرية أكتر من إنو ريحتها طبيعية ؛ جدا خفيفة والريحة تجنن وحلوة مرة .
Vanilla Bean
هادي الشمعة الأخيرة ريحتها بيور فانيللا على ريحة كريمة بسيطة لو إنتي من عشاق الفانيللا زيي حتعجبك مرة .
***********
وبكده حبايبي تكون خلصت التدوينة أتمنى تعجبكم ولو عجبتكم أدعولي
وأكتبولي آرئكم تحت لو تبغوا أي شي حطوه في الكومنت تحت أو أرسلولي في السوشيال ميديا تلاقوا الروابط في المدونة أستنوني في تدوينة جديدة ومع السلامة .
0 التعليقات:
إرسال تعليق